New Zealand Squad For India Tour : रोहित शर्मा-विराट कोहलीविरुद्ध न्यूझीलंडकडून तगड्या खेळाडूंची निवड; वनडे मालिकेसाठी चक्रावणारा संघ, कोणा कोणाला संधी?

New Zealand Announces T20I ODI Squad For India Tour : न्यूझीलंड संघाने पुढील महिन्यात भारतात होणाऱ्या वनडे आणि टी20 मालिकेसाठी आपल्या संघाची घोषणा केली आहे.

New Zealand Announces T20I ODI Squad For India Tour

न्यूझीलंड संघाने पुढील महिन्यात भारतात होणाऱ्या वनडे आणि टी20 मालिकेसाठी आपल्या संघाची घोषणा केली आहे.

अनुभवी व्हाइट-बॉल खेळाडू डेव्हन कॉनवे, मिचेल सॅन्टनर आणि मायकेल ब्रेसवेल यांच्यासोबत लेनॉक्स व ख्रिश्चन क्लार्क सारख्या तरुण खेळाडूंचा समतोल राखत संघ निवडण्यात आला आहे.

लेनॉक्सचा वनडे संघात समावेश करण्यात आला असून त्याच्यासोबत ख्रिश्चन क्लार्क, आदी अशोक, जोश क्लार्कसन, निक केली आणि मायकेल रे यांनाही संधी देण्यात आली आहे.

वेगवान गोलंदाज काइल जेमिसन आणि अष्टपैलू मिचेल सॅन्टनर पुन्हा एकदा न्यूझीलंडकडून खेळताना दिसणार आहेत.

जेमिसनने वनडे आणि टी20 दोन्ही संघांत पुनरागमन केले आहे, तर सॅन्टनरला केवळ टी20 संघात स्थान देण्यात आले आहे.

Continues below advertisement

सॅन्टनरच्या अनुपस्थितीत वनडे मालिकेदरम्यान मायकेल ब्रेसवेलकडे संघाचे नेतृत्व सोपवण्यात आले आहे.

तर डेव्हन कॉनवे, डॅरिल मिचेल, विल यंग आणि हेन्री निकोल्स यांसारख्या अनुभवी खेळाडूंमुळे संघ अजून तगडा दिसत आहे.

कसोटी कर्णधार टॉम लॅथम आणि प्रमुख वेगवान गोलंदाज मॅट हेन्री यांना भारताविरुद्धच्या वनडे मालिकेतून वगळण्यात आले आहे.

तसेच केन विल्यमसन SA20 लीगमधील बांधिलकीमुळे वनडे संघासाठी उपलब्ध नसतील. वनडे मालिकेत मिच हे विकेटकीपिंगची जबाबदारी सांभाळणार आहेत, तर टी20 मालिकेत डेव्हन कॉनवे ही भूमिका निभावणार आहेत.

भारत आणि न्यूझीलंड यांच्यात 11 ते 18 जानेवारीदरम्यान तीन सामन्यांची वनडे मालिका खेळवली जाणार आहे. त्यानंतर 21 ते 31 जानेवारीदरम्यान पाच सामन्यांची टी20 मालिका रंगणार आहे.

न्यूझीलंडचा एकदिवसीय संघ - मायकेल ब्रेसवेल (कर्णधार), आदी अशोक, ख्रिश्चन क्लार्क, जोश क्लार्कसन, डेव्हॉन कॉनवे, जॅक फॉक्स, मिच हे (यष्टीरक्षक), काइल जेमिसन, निक केली, जेडेन लेनोक्स, डॅरिल मिचेल, हेन्री निकोल्स, ग्लेन फिलिप्स, मायकेल रे, विल यंग.

न्यूझीलंडचा टी-20 संघ - मिचेल सँटनर (कर्णधार), मायकेल ब्रेसवेल, मार्क चॅपमन, डेव्हॉन कॉनवे (यष्टीरक्षक), जेकब डफी, जॅक फॉक्स, मॅट हेन्री, काइल जेमिसन, बेव्हॉन जेकब्स, डॅरिल मिचेल, जेम्स नीशम, ग्लेन फिलिप्स, रचिन रवींद्र, टिम रॉबिन्सन, ईश सोधी.