कॅप्टन कूलचा नवा गेम प्लॅन! IPL 2027 मध्ये कोच बनून परतणार MS धोनी, सीएसकेकडून मोठी हिंट, निवृत्ती कन्कर्म?

MS Dhoni News : एम एस धोनी आणि चेन्नई सुपर किंग्स यांचं नातं आता नव्या वळणावर येताना दिसत आहे.

MS Dhoni News

एम एस धोनी आणि चेन्नई सुपर किंग्स यांचं नातं आता नव्या वळणावर येताना दिसत आहे.

आयपीएल 2026 मध्ये दुखापतीमुळे धोनी एकही सामना खेळू शकला नाही.

यानंतर त्याच्या निवृत्तीच्या चर्चांना मोठी हवा मिळाली होती.

अनेकांनी धोनीने शांतपणे आयपीएलमधून निवृत्ती घेतल्याचंही म्हटलं.

आता मात्र चेन्नई सुपर किंग्सच्या फ्रँचायझीकडून आलेल्या एका मोठ्या संकेतामुळे या चर्चांना अधिक बळ मिळालं आहे.

सीएसकेचे सीईओ कासी विश्वनाथन यांनी धोनीबाबत बोलताना मोठं विधान केलं.

त्यांनी म्हटलं की, “आम्हाला धोनी कायमस्वरूपी सीएसकेसोबत हवा आहे. तो खेळाडू, कोच किंवा मेंटॉर कोणत्याही भूमिकेत असो, आम्हाला तो टीमसोबतच पाहायचा आहे. अंतिम निर्णय मात्र धोनीचाच असेल.”

कासी विश्वनाथन म्हणाले, “धोनी कोणत्या भूमिकेत संघासोबत राहील हे पूर्णपणे त्याच्या निर्णयावर अवलंबून आहे. पण आम्हाला तो कायम सीएसके परिवाराचा भाग म्हणून हवा आहे.”

विशेष म्हणजे संपूर्ण हंगामात धोनी मैदानावर दिसला नाही. मात्र चेन्नईच्या अखेरच्या घरच्या सामन्यासाठी तो संघासोबत स्टेडियममध्ये उपस्थित होता.