Manav Suthar IND vs AFG : आला, पाहिलं अन् गाजवलं! 25 वर्ष जे कोणालाच जमलं नाही, ते मानव सुथारने एकाच झटक्यात करून दाखवलं; नेमकं काय घडलं?

Manav Suthar Dream Debut : भारतीय क्रिकेटच्या इतिहासात काही क्षण असे असतात, जे कायमस्वरूपी सुवर्णाक्षरांनी लिहिले जातात.

Manav Suthar IND vs AFG

image भारतीय क्रिकेटच्या इतिहासात काही क्षण असे असतात, जे कायमस्वरूपी सुवर्णाक्षरांनी लिहिले जातात. युवा फिरकी अष्टपैलू मानव सुथार याने आपल्या कसोटी पदार्पणात असाच एक ऐतिहासिक पराक्रम करून दाखवला आहे.

पहिल्याच सामन्यात त्याने अशी कामगिरी केली, ज्याचे स्वप्न प्रत्येक युवा गोलंदाज पाहत असतो. अफगाणिस्तानविरुद्धच्या एकमेव कसोटी सामन्यात 23 वर्षीय मानव सुथारला पदार्पणाची संधी मिळाली.

या संधीचे त्याने सोनं करत पहिल्याच षटकात विकेट घेत भारतीय चाहत्यांना आनंदाचा मोठा क्षण दिला. आपल्या पहिल्या षटकातील चौथ्या चेंडूवर त्याने अफगाणिस्तानचा फलंदाज अब्दुल मलिक याला बाद केले.

या विकेटसह मानव सुथारचे नाव भारतीय क्रिकेटच्या इतिहासात कोरले गेले. कसोटी पदार्पणात पहिल्याच षटकात विकेट घेणारा तो गेल्या 25 वर्षांतील पहिला भारतीय गोलंदाज ठरला आहे.

याआधी 2001 साली वेगवान गोलंदाज टिनू योहानन यांनी इंग्लंडविरुद्धच्या कसोटी पदार्पणात पहिल्याच षटकात विकेट घेण्याचा पराक्रम केला होता.

याआधी 2001 साली वेगवान गोलंदाज टिनू योहानन यांनी इंग्लंडविरुद्धच्या कसोटी पदार्पणात पहिल्याच षटकात विकेट घेण्याचा पराक्रम केला होता.

या मानाच्या यादीत मोंटू बॅनर्जी, मनोहर हार्डीकर, वामन कुमार, चेतन शर्मा, डब्ल्यू. व्ही. रमण आणि निलेश कुलकर्णी यांसारख्या दिग्गजांचा समावेश आहे.

मानवने या सामन्याच्या पहिल्या डावातही प्रभावी गोलंदाजी केली. त्याने पहिल्या 10 षटकांत अवघ्या 10 धावा देत 2 बळी मिळवले