Manav Suthar Ind vs Afg Test : रवींद्र जडेजाचा वारसदार मिळाला! जड अंतःकरणाने का होईना, क्रिकेट विश्वाने मानव सुथारला ठोकला सलाम; पदार्पणातच 6 विकेट्स घेत रचला इतिहास

Manav Suthar Ind vs Afg Test : भारताचा युवा डावखुरा फिरकीपटू मानव सुथार या सामन्याचा खरा 'हिरो' ठरला. त्याने आपल्या फिरकीच्या जाळ्यात ओढत अफगाणिस्तानचे कंबरडे पाडले.

Manav Suthar Ind vs Afg Test

महाराजा यादवेंद्र सिंग आंतरराष्ट्रीय क्रिकेट स्टेडियमवर सुरू असलेल्या अफगाणिस्तानविरुद्धच्या एकमेव ऐतिहासिक कसोटी सामन्यात यजमान भारतीय संघाने आपले पूर्ण वर्चस्व निर्माण केले आहे.

भारताच्या 564 धावांच्या डोंगरापुढे अफगाणिस्तानचा पहिला डाव अवघ्या 152 धावांवर आटोपला.

भारताचा युवा डावखुरा फिरकीपटू मानव सुथार या सामन्याचा खरा 'हिरो' ठरला. त्याने आपल्या फिरकीच्या जाळ्यात ओढत अफगाणिस्तानचे कंबरडे पाडले.

पहिल्या डावात तब्बल 412 धावांची अवाढव्य आघाडी मिळाल्यामुळे भारतीय कर्णधाराने अफगाणिस्तानला 'फॉलोऑन' देण्याचा निर्णय घेतला असून पाहुण्या संघाला पुन्हा एकदा फलंदाजीसाठी मैदानात उतरावे लागले आहे.

भारताकडून आपले आंतरराष्ट्रीय कसोटी पदार्पण करणाऱ्या मानव सुथारने आपल्या भेदक गोलंदाजीने इतिहास रचला.

त्याने फक्त 33 धावा देत 6 महत्त्वाचे बळी घेतले. त्याच्या या कामगिरीमुळे अफगाणिस्तानला सावरण्याची कोणतीही संधी मिळाली नाही.

मानव सुथारच्या या कामगिरीने भारतीय क्रिकेटच्या इतिहासात अनेक मोठ्या विक्रमांची नोंद केली आहे.

कसोटी पदार्पणातच 5 किंवा त्यापेक्षा जास्त बळी (Five-wicket haul) घेणारा मानव सुथार हा भारताचा 10 वा गोलंदाज ठरला आहे.

तर, भारताकडून कसोटी पदार्पणात 6 बळी घेणारा तो आर. अश्विननंतरचा केवळ दुसराच भारतीय गोलंदाज ठरला आहे.

रवींद्र जाडेजासारखीच शैली असलेल्या मानव सुथारच्या या कामगिरीमुळे त्याला भारतीय कसोटी संघातील जाडेजाचा 'पर्फेक्ट रिप्लेसमेंट' म्हणून पाहिले जात आहे.