Eng vs Ind 2nd Test : ज्याचं नाव ऐकून फलंदाज घाबरतात... 'तो' 4 वर्षांनी पुन्हा येतोय, इंग्लंडसाठी गुड न्यूज; टीम इंडियासाठी वाजली धोक्याची घंटा

Jofra Archer News : भारत आणि इंग्लंड यांच्यातील कसोटी मालिकेतील पहिला सामना लीड्स येथे खेळला जात आहे.

Eng vs Ind 2nd Test Jofra Archer News

भारत आणि इंग्लंड यांच्यातील कसोटी मालिकेतील पहिला सामना लीड्स येथे खेळला जात आहे.

दोन्ही संघांमधील दुसरा कसोटी सामना 02 जुलैपासून एजबॅस्टन येथे खेळला जाणार आहे.

या सामन्यापूर्वी इंग्लंड संघासाठी एक मोठी आनंदाची बातमी आली आहे.

इंग्लंडचा अनुभवी वेगवान गोलंदाज जोफ्रा आर्चर दुसरा कसोटी सामना खेळू शकतो.

दुसरी कसोटी सुरू होण्यापूर्वी आर्चर ससेक्ससाठी काउंटी क्रिकेट खेळेल.

स्काय स्पोर्ट्सच्या वृत्तानुसार, जोफ्रा आर्चर ससेक्ससाठी आगामी काउंटी सामना खेळेल आणि याद्वारे तो रेड बॉल क्रिकेटमध्ये परतेल.

काउंटी चॅम्पियनशिपच्या या सामन्यासाठी त्याचे नाव संघात नव्हते. पण आता बातमी अशी आहे की त्याला संघात समाविष्ट करण्यात आले आहे.

जर तो ससेक्ससाठी काउंटी सामने खेळला तर तो भारताविरुद्ध खेळल्या जाणाऱ्या दुसऱ्या कसोटी सामन्यासाठी इंग्लंड संघात परतू शकतो.

आर्चरने 2021 पासून इंग्लंडसाठी कोणताही रेड बॉल सामना खेळलेला नाही. अशा परिस्थितीत तो 4 वर्षांनी या फॉरमॅटमध्ये परतणार आहे.