Jasprit Bumrah News : जसप्रीत बुमराहच्या कारकिर्दीतील सर्वात काळा दिवस; 4 षटकांत धू-धू-धुतले, टी-20 वर्ल्ड कपपूर्वी धोक्याची घंटा

Jasprit Bumrah Most Expensive Spell In T20i : बुमराहला कीवी फलंदाजांनी मैदानाच्या चारही बाजूंनी फटकेबाजी करत अक्षरशः धू-धू-धुतले.

Jasprit Bumrah Most Expensive Spell In T20i

तिरुवनंतपुरम येथे न्यूझीलंडविरुद्ध खेळल्या गेलेल्या पाचव्या टी-20 सामन्यात भारताने 46 धावांनी दणदणीत विजय मिळवला असला, तरी संघाचा स्टार गोलंदाज जसप्रीत बुमराहसाठी हा सामना अक्षरशः दु:स्वप्न ठरला.

271 धावांच्या भल्या मोठ्या धावसंख्येचा बचाव करताना भारतीय गोलंदाजांकडून वर्चस्व अपेक्षित होते.

मात्र बुमराहला कीवी फलंदाजांनी मैदानाच्या चारही बाजूंनी फटकेबाजी करत अक्षरशः धू-धू-धुतले.

जसप्रीत बुमराहने आपल्या 4 षटकांत एकही विकेट न घेता तब्बल 58 धावा दिल्या.

हा त्याच्या टी-20 आंतरराष्ट्रीय कारकिर्दीतील आतापर्यंतचा सर्वात महागडा आणि निराशाजनक स्पेल ठरला.

Continues below advertisement

सामन्यात एका टप्प्यावर बुमराह पूर्णपणे हतबल दिसत होते. त्याच्या तिसऱ्या षटकात डॅरिल मिचेल आणि बेवन जेकब्स यांनी 22 धावा वसूल केल्या.

6.5 पेक्षा कमी इकॉनॉमी रेट असलेले बुमराह या मालिकेत 9.46 च्या सरासरीने धावा देत आहेत, जे त्याच्या दर्जाला साजेसे नाही.

बुमराहची घसरलेली फॉर्म टीम इंडियासाठी चिंतेचा विषय ठरत आहे, कारण 7 फेब्रुवारीपासून भारत टी-20 वर्ल्ड कपचे विजेतेपद बचावण्यासाठी मैदानात उतरणार आहे.

2024 च्या वर्ल्ड कपमध्ये भारताच्या यशामागे बुमराहचा मोठा वाटा होता.

मात्र सध्याच्या मालिकेतील 4 सामन्यांत केवळ 4 विकेट मिळणे हे त्यांच्या लयीचा अभाव स्पष्टपणे दर्शवते.