India vs New Zealand Final Champions Trophy 2025: रोहित शर्माच्या निवृत्तीचे गूढ वाढले; चॅम्पियन्स ट्रॉफीच्या अंतिम सामन्यानंतर काय करणार?, एक दिवसाआधी हिंटही दिली!

India vs New Zealand Final Champions Trophy 2025: चॅम्पियन्स ट्रॉफीचा अंतिम सामना हा कर्णधार रोहित शर्माचा शेवटचा एकदिवसीय सामना असू शकतो.

Rohit Sharma Retirement

चॅम्पियन्स ट्रॉफीमध्ये आज (9 मार्च) भारत आणि न्यूझीलंड यांच्यातील अंतिम सामना दुबईमध्ये खेळला जाईल. दोन्ही संघ यासाठी पूर्णपणे सज्ज आहेत.

चॅम्पियन्स ट्रॉफीचा अंतिम सामना हा कर्णधार रोहित शर्माचा शेवटचा एकदिवसीय सामना असू शकतो. यानंतर रोहित निवृत्त होऊ शकतो, अशी शक्यता आहे.

रोहितच्या निवृत्तीबाबत सतत प्रश्न उपस्थित केले जात आहेत, परंतु रोहित पुढे खेळण्याचा निर्णय घेईल की नाही हे अद्याप निश्चित झालेले नाही. याचदरम्यान एक महत्वाची माहिती समोर आली आहे.

भारतीय क्रिकेट नियामक मंडळाच्या (बीसीसीआय) सूत्रांनी दिलेल्या माहितीनुसार, चॅम्पियन्स ट्रॉफीनंतर रोहित निवड समितीचे अध्यक्ष अजित आगरकर यांच्याशी एकदिवसीय सामन्यांमधील त्याच्या भविष्याबद्दल चर्चा करू शकतो.

भारतीय क्रिकेटमध्ये असे दिसून आले आहे की निवड समिती कोणत्याही मोठ्या खेळाडूच्या भविष्याबद्दल निर्णय घेत नाही, तर खेळाडू स्वतः बोर्डाच्या उच्च अधिकाऱ्यांशी याबद्दल बोलतात.

निवृत्तीशी संबंधित प्रश्न टाळण्यासाठी रोहित शर्मा अंतिम सामन्यापूर्वी पत्रकार परिषदेत आला नाही, असं सांगण्यात येत आहे. त्यामुळे रोहितने फायनलआधी निवृत्तीबाबत हिंट दिल्याचीही चर्चा सध्या सोशल मीडियावर सुरु आहे.

रोहितच्या जागी उपकर्णधार शुभमन गिलने पत्रकारांना संबोधित केले आणि स्पष्ट केले की ड्रेसिंग रूममध्ये कोणत्याही खेळाडूच्या निवृत्तीबाबत कोणतीही चर्चा सुरू नाही.

विराट कोहली आणि रोहित शर्मा एकदिवसीय सामन्यांमधून एकत्र निवृत्त होणार नाहीत, असंही म्हटलं जात आहे.