IND vs NZ Final : रोहित शर्माच्या नावावर लाजिरवाणा विक्रम; न्यूझीलंडविरुद्धच्या फायनलमध्ये नाणेफेक हरल्यानंतर स्पष्ट म्हणाला...

IND vs NZ Champions Trophy 2025 Final : चॅम्पियन्स ट्रॉफी 2025 च्या अंतिम सामन्यात न्यूझीलंडने नाणेफेक जिंकून प्रथम फलंदाजी करण्याचा निर्णय घेतला आहे.

IND vs NZ Final Rohit Sharma loses toss

चॅम्पियन्स ट्रॉफी 2025 च्या अंतिम सामन्यात न्यूझीलंडने नाणेफेक जिंकून प्रथम फलंदाजी करण्याचा निर्णय घेतला आहे.

न्यूझीलंडच्या प्लेइंग-11 मध्ये मॅट हेन्रीची जागा नॅथन स्मिथने घेतली आहे. तर भारताने कोणतेही बदल केलेले नाहीत.

नाणेफेक जिंकल्यानंतर किवी कर्णधार मिशेल सँटनर म्हणाला की, आम्ही प्रथम फलंदाजी करू.

रोहित शर्माने सलग 12 व्या एकदिवसीय सामन्यात नाणेफेक गमावली आहे.

दरम्यान, भारतीय कर्णधार रोहित शर्मा म्हणाला की, त्याला नंतर फलंदाजी करण्यात कोणतीही अडचण नाही. त्यात फारसा बदल झालेला नाही, आम्ही याआधी धावांचा पाठलाग केला आहे आणि जिंकलो पण आहे.

पुढे रोहित म्हणाला, ड्रेसिंग रूममध्ये आम्ही टॉसची चिंता करत नाही आणि फक्त चांगले खेळा याबद्दलच बोलतो, आम्ही तेच केले आणि आज देखील आम्हाला तेच करायचे आहे.

अंतिम सामन्यात नाणेफेक हरल्यामुळे एकदिवसीय सामन्यात सर्वाधिक नाणेफेक गमावणारा कर्णधार बनला आहे आणि ब्रायन लाराची बरोबरी केली.

एकदिवसीय सामन्यात सर्वाधिक म्हणजे सलग 12 वेळा टॉस गमावण्याचा लाजिरवाणा विक्रम लाराच्या नावावर आहे.