Champions Trophy 2025 Virat Kohli: मेरा भारत महान! एकीकडे जंगी सेलीब्रेशन, दुसरीकडे मायेचा हात; विराट कोहली तिच्याजवळ गेला अन्..., PHOTO

Champions Trophy 2025 Rohit Sharma-Virat Kohli: तब्बल 12 वर्षांनी भारताने चॅम्पियन्स ट्रॉफी जिंकण्याचा पराक्रम केलाय.

Champions Trophy 2025 Virat Kohli

रोहित शर्माच्या नेतृत्वाखाली भारतीय टीमने चॅम्पियन्स ट्रॉफीवर आपलं नाव कोरलंय. दुबईच्या मैदानात झालेल्या थरारक फायनलमध्ये न्यूझीलंडला त्यांनी चार विकेट्स आणि एक ओव्हर राखून पराभूत केलं.

तब्बल 12 वर्षांनी भारताने चॅम्पियन्स ट्रॉफी जिंकण्याचा पराक्रम केलाय. अंतिम सामन्यात विजयासाठीचं 252 धावांचं आव्हान भारताने 49 षटकांत सहा विकेट्सच्या मोबदल्यात पार केलं.

रोहित शर्माच्या 76 आणि श्रेयस अय्यरच्या 48 धावांच्या खेळीने संघाच्या विजयात मोलाचं योगदान दिलं. रोहितने 7 चौकार 3 षटकार तर श्रेयसने 2 चौकार 2 षटकार ठोकले.

कुलदीप यादव, वरुण चक्रवर्तीने प्रत्येकी दोन विकेट्स घेत किवी टीमला सात बाद 251 वर रोखलं. जडेजाने 10 षटकांमध्ये अवघ्या 30 धावा देत एक फलंदाज बाद केला. मिचेलने 101 चेंडूंत 63 तर, ब्रेसवेलने 40 चेंडूंमध्ये नाबाद 53 धावा करत किवींना अडीचशे पार नेलं.

न्यूझीलंडविरुद्धच्या विजयामुळे होळीआधीच भारताने विजयाचा रंग उधळलाय. विशेष म्हणजे एकही सामना न गमावता भारताने ही स्पर्धा जिंकलीय.

चॅम्पियन्स ट्रॉफीचा अंतिम सामना पाहण्यासाठी अनेक भारतीय खेळाडूंचे कुटुंबातील सदस्य देखील आले होते.

भारतीय क्रिकेट संघाचा वेगवान गोलंदाज मोहम्मद शमी याची आई देखील दुबईत सामना पाहण्यासाठी आली होती.

भारताच्या विजयानंतर सर्व खेळाडू सेलिब्रेट करत होते. यावेळी मोहम्मद शमीने विराट कोहलीला आई आल्याचं सांगितलं. त्यावर विराट कोहली लगेच मोहम्मद शमीच्या आईजवळ गेला आणि त्यांच्या पाया पडला.

मोहम्मद शमीच्या आईने देखील डोक्यावर-पाठिवर हात ठेवत अभिनंदन केले. यादरम्याने फोटो आणि व्हिडीओ सध्या सोशल मीडियावर व्हायरल होत आहे.