17 साल बाद! विराटने 18 व्या वर्षी जे मैदान मारलं, त्याच मैदानावर भारतीय पोरींनी वर्ल्डकप उंचावला

टीम इंडियाच्या महिला संघाने विश्वविजेत्यापदाला गवसणी घालत उत्कृष्ट कामगिरी बजावली. अंडर 19 वर्ल्डकप स्पर्धेत दक्षिण आफ्रिकेवर विजय मिळवत भारतीय संघ जगजत्ते ठरला.

Nikki prasad won like Virat kohli under 19

टीम इंडियाच्या महिला संघाने विश्वविजेत्यापदाला गवसणी घालत उत्कृष्ट कामगिरी बजावली. अंडर 19 वर्ल्डकप स्पर्धेत दक्षिण आफ्रिकेवर विजय मिळवत भारतीय संघ जगजत्ते ठरला.

कर्णधार निक्की प्रसादच्या नेतृत्वाखाली टीम इंडियाची कामगिरी खूपच संस्मरणीय राहिली, विशेष म्हणजे भारतीय संघाने एकही सामना न गमावता जगजत्ता विजेतेपद पटकावले.

दक्षिण आफ्रिकेच्या संघाने नाणेफेक जिंकून प्रथम फलंदाजी करण्याचा निर्णय घेतला. पण संपूर्ण संघ 20 षटकांत फक्त 82 धावा करू शकला आणि सर्वबाद झाला होता. भारताने सहजच विजय मिळवला.

अंडर 19 वर्ल्डकपमध्ये भारतीय संघाच्या विजयांत युवा अष्टपैलू गोंगडी त्रिशा हिने मोलाचा वाटा उचलला. त्रिशाने पुन्हा एकदा अंतिम सामन्यात सर्वाधिक 44 धावा केल्या.

टी-20 वर्ल्ड कपमध्ये शतक झळकावणारी पहिली फलंदाज ठरलेल्या त्रिशाने संपूर्ण स्पर्धेत सर्वाधिक 309 धावा केल्या, जो एक नवीन विक्रम आहे. विशेष म्हणजे अंतिम सामन्यातही तिला सामनावीर पुरस्काराने गौरविण्यात आले.

ज्या मैदानात विराटच्या अंडर-19 टीमनं वर्ल्ड कप जिंकला होता, त्याच मैदानात 17 वर्षांनी भारतीय महिला अंडर-19 संघ 'वर्ल्ड चॅम्पियन' ठरला आहे.

विराटच्या संघानेही 2008 मध्ये मलेशियाची राजधानी क्वालालंपूर येथील बेयुमास ओव्हल स्टेडियमवरमैदानावर दक्षिण आफ्रिकेचा पराभव करत भारतीय संघाला दुसऱ्यांदा अंडर 19 चा विश्वचषक जिंकून दिला होता.

दरम्यान, टीम इंडियाचा धुव्वादार फलंदाज आणि माजी कर्णधार विराट कोहली सध्या रणजी क्रिकेटमुळे चाहत्याचं लक्ष वेधत आहे. दिल्लीतील मैदानावर रणजी खेळण्यासाठी उतरलेल्या कोहलीचं विराट स्वागत झालं.