Abhishek Sharma Golden Duck IND vs USA : टी-20 विश्वचषकात 19 वर्षांनी नको ते घडले; अभिषेक शर्माच्या नावावर धक्कादायक विक्रम, थेट गौतम गंभीरच्या पंगतीत बसला

Abhishek Sharma Golden Duck : आयसीसी टी-20 विश्वचषक 2026 मधील टीम इंडियाचा सलामीवीर अभिषेक शर्मासाठी शनिवारचा दिवस अत्यंत निराशाजनक ठरला.

Abhishek Sharma Golden Duck IND vs USA News

आयसीसी टी-20 विश्वचषक 2026 मधील टीम इंडियाचा सलामीवीर अभिषेक शर्मासाठी शनिवारचा दिवस अत्यंत निराशाजनक ठरला.

अमेरिकेविरुद्धच्या (USA) तिसऱ्या सामन्यात विश्वचषक पदार्पण करणाऱ्या अभिषेकला पहिल्याच चेंडूवर (Abhishek Sharma Golden Duck) बाद होऊन तंबूत परतावे लागले.

भारतीय डावाच्या दुसऱ्या षटकातील दुसऱ्या चेंडूवर ही घटना घडली.

अमेरिकेचा वेगवान गोलंदाज अली खानने टाकलेला चेंडू अभिषेकने जोरात टोलवला.

मात्र त्याचा अंदाज चुकला आणि चेंडू थेट डीप कव्हरला उभ्या असलेल्या संजय कृष्णमूर्तीच्या हातात गेला.

Continues below advertisement

आपल्या पहिल्याच विश्वचषक सामन्यात मोठा फटका मारण्याच्या नादात अभिषेकला भोपळाही फोडता आला नाही.

टी-20 विश्वचषकाच्या पदार्पणाच्या डावात शून्यावर बाद होणारा अभिषेक हा पाचवा भारतीय फलंदाज ठरला आहे.

याआधी गौतम गंभीर, आशिष नेहरा, शार्दुल ठाकूर आणि दीपक हुड्डा हे खेळाडूंआधी शून्यावर आऊट झाले आहेत.