USA Tariffs On China: ज्याची भीती होती तेच झालं, डोनाल्ड ट्रम्प यांनी तो निर्णय घेतलाच, चीनवर 104 टक्के आयातशुल्क

USA Tariffs On China: चीनने अमेरिकेवर लादलेला 34% कर मागे घेतला नाही तर चीनवर अतिरिक्त 50% कर लादला जाईल, अशी धमकी डोनाल्ड ट्रम्प यांनी दिली होती.

USA Tariffs On China

USA Tariffs On China: अमेरिकेने चीनमधून येणाऱ्या वस्तूंवर जास्त कर लादण्याचा निर्णय घेतला आहे.

अमेरिकेने चीनमधून येणाऱ्या वस्तूंवर एकूण 104 टक्के कर लादण्याचा निर्णय घेतला आहे.

येत्या 9 एप्रिलपासून अतिरिक्त कर वसूल केला जाणार असल्याची घोषणा व्हाईट हाऊसकडून करण्यात आली आहे.

चीनने अमेरिकेवर लादलेला 34% कर मागे घेतला नाही तर चीनवर अतिरिक्त 50% कर लादला जाईल, अशी धमकी डोनाल्ड ट्रम्प यांनी दिली होती. ती धमकी डोनाल्ड ट्रम्प यांनी खरी करून दाखवत चीनमधून येणाऱ्या वस्तूंवर 104 टक्के कर लादण्याचा निर्णय जाहीर केला.

अमेरिका आमच्यावर लादत असलेले शुल्क आणखी वाढवण्याची धमकी देऊन एकामागून एक चुका करत आहे. जर व्यापार युद्ध झाले तर चीन पूर्णपणे तयार आहे, असं चीनने स्पष्ट केलं आहे.

अमेरिकेतून येणाऱ्या वस्तूंवर चीनने 34 टक्के कर लादला तेव्हा डोनाल्ड ट्रम्प यांनी आम्ही चीनवर 50 टक्के कर लादू, अशी धमकी दिली होती. यावर चीनने दुर्लक्ष केले आणि आम्ही अमेरिकेविरुद्ध लढा देऊ, असं जाहीर केले. यानंतर अमेरिकेने चीनमधून येणाऱ्या वस्तूंवर 104 टक्के कर लादला. त्यामुळे चीनला अमेरिकेविरुद्ध डोळे वटाळणे महागात पडल्याचे बोलले जात आहे.

नवीन आयात शुल्क धोरणाचा काय परिणाम होईल?- भारत आणि अमेरिकेतील व्यापार आधीच अनेक मुद्द्यांवरून तणावपूर्ण आहे. या आयात शुल्कामुळे भारतीय कंपन्यांना अमेरिकेत व्यवसाय करणे महागात पडू शकते.

भारतीय उत्पादनांवर जास्त कर लादल्याने अमेरिकन ग्राहकांना महागड्या वस्तू खरेदी करण्यास भाग पाडले जाऊ शकते. भारतातून कच्चा माल किंवा तयार उत्पादने आयात करणाऱ्या अनेक अमेरिकन कंपन्यांच्या किमतीही वाढू शकतात.