US Attacks Iran Nuclear Sites: अमेरिकच्या विमानांचा रात्रीच्या अंधारात इराणवर केला बॉम्बचा वर्षाव, डोनाल्ड ट्रम्प वॉर रुममध्ये बसून सगळं पाहत होते, फोटो समोर आले

White House Situation Room Photos: आता अमेरिकाही इराणविरुद्ध इस्रायलच्या युद्धात उतरली आहे. अमेरिकन सैन्याने रात्री उशिरा इराणच्या इराणच्या आण्विक तळांवर हवाई हल्ला केला.

White House Situation Room Photos

इराणविरुद्धच्या इस्रायलच्या युद्धात अमेरिकाही उतरली आहे. अमेरिकेचे राष्ट्राध्यक्ष डोनाल्ड ट्रम्प यांनी दावा केला आहे की अमेरिकेने इराणच्या तिन्ही अणुस्थळांना नष्ट केले आहे.

दरम्यान, व्हाईट हाऊसने म्हटले आहे की, जेव्हा अमेरिकन सैन्याने इराणवर हवाई हल्ला केला तेव्हा राष्ट्राध्यक्ष ट्रम्प उपराष्ट्रपती जेडी व्हान्स आणि परराष्ट्र मंत्री मार्को रुबियो यांच्यासह वॉर रूममध्ये उपस्थित होते आणि प्रत्येक हालचालीवर लक्ष ठेवून होते.

रविवारी सकाळी राष्ट्राध्यक्ष डोनाल्ड ट्रम्प यांनी सोशल मीडिया प्लॅटफॉर्म ट्रुथ सोशलवर एका पोस्टद्वारे इराणच्या तीन अणुस्थळांवर झालेल्या हल्ल्यांची माहिती दिली. ते म्हणाले, "सर्व अमेरिकन विमाने आता इराणच्या हवाई हद्दीतून बाहेर पडली आहेत आणि सुरक्षितपणे घरी परतत आहेत.फोर्डो नावाच्या जागेवर सर्वाधिक बॉम्ब टाकण्यात आले."

राष्ट्राध्यक्ष डोनाल्ड ट्रम्प यांनी अमेरिकन सैन्याचे कौतुक केले आणि म्हटले, "आमच्या महान योद्ध्यांचे अभिनंदन! जगातील इतर कोणतेही सैन्य हे करू शकत नाही." यासोबतच त्यांनी म्हटले की आता शांततेचा काळ आहे. तर, या हल्ल्यावर इराणकडून अद्याप कोणतीही प्रतिक्रिया आलेली नाही.

अमेरिकेचे राष्ट्राध्यक्ष डोनाल्ड ट्रम्प यांनी इराणला कडक इशारा देत म्हटले आहे की, जर त्यांनी शांततेचा मार्ग निवडला नाही तर अमेरिकेची पुढील कारवाई पूर्वीपेक्षा अधिक तीव्र आणि अचूक असेल. यासोबतच त्यांनी सांगितले की, रविवारी अमेरिकन सैन्य पेंटागॉन येथे पत्रकार परिषद घेईल, ज्यामध्ये या लष्करी कारवाईशी संबंधित अधिक माहिती दिली जाईल.

अमेरिकेचे अध्यक्ष डोनाल्ड ट्रम्प म्हणाले की, त्यांनी इस्रायली पंतप्रधान बेंजामिन नेतान्याहू यांच्याशी उत्तम समन्वयाने हे काम केले आहे.

राष्ट्राध्यक्ष ट्रम्प यांनी अमेरिका आणि इस्रायलमधील सहकार्याचे कौतुक केले आणि म्हणाले, "मी पंतप्रधान नेतन्याहू यांचे आभार मानू इच्छितो. आम्ही पूर्वी कधीही न पाहिलेले संघ म्हणून काम केले. इस्रायलसमोरील एका मोठ्या धोक्याला नष्ट करण्याच्या दिशेने आम्ही एक महत्त्वाचे पाऊल उचलले आहे.

अमेरिकाही इराणविरुद्ध इस्रायलच्या युद्धात उतरली आहे. अमेरिकन सैन्याने रात्री उशिरा इराणच्या इराणच्या आण्विक तळांवर हवाई हल्ला केला.