जेसीबी अन् स्कॉर्पिओ कारचा विचित्र अपघात, स्थानिकांनी घेतली धाव; 1 ठार 2 गंभीर जखमी

वाशिम जिल्ह्यातील रिसोड ते लोणार मार्गावरील मोरगव्हाण गावाजवळ स्कॉर्पिओ आणि जेसीबीमध्ये अपघाताची भीषण घटना घडली.

Scorpio and jcb accident in washim

वाशिम जिल्ह्यातील रिसोड ते लोणार मार्गावरील मोरगव्हाण गावाजवळ स्कॉर्पिओ आणि जेसीबीमध्ये अपघाताची भीषण घटना घडली.

स्कॉर्पिओ आणि जेसीबीच्या या अपघातात 1 जण ठार झाला असून इतर 2 जण गंभीर जखमी झाले आहेत. जखमींवर रुग्णालयात उपचार सुरू आहेत.

अपघातातील स्कॉर्पिओ लोणार तालुक्यातील पांग्राडोळे येथील असून स्कार्पिओ लोणारच्या दिशेने जात असताना उभ्या जेसीबीला धडकून भीषण अपघात झाला.

अपघाताची माहिती मिळताच स्थानिक पोलिसांनी घटनास्थळी धाव घेतली. स्थानिकांच्या मदतीने अपघातामधील गंभीर जखमींना उपचारासाठी वाशिमच्या रुग्णालयात भरती करण्यात आलं आहे.

अपघातानंतर काही वेळ या मार्गावरील वाहतूक विस्कळीत झाली होती. मात्र, चक्क जेसीबीला स्कॉर्पिओ कारने धडक दिल्याने चालकाचे कारवरील नियंत्रण कसे सुटले याचा तपास पोलीस करत आहेत.

दरम्यान, अपघातानंतर स्थानिकांनी घटनास्थळी धाव घेत मदतीसाठी पुढाकार घेतल्याचे दिसून आले. रात्रीच्या सुमारास अपघात झाल्याने मदतासाठी अडथळे येत होते.

दरम्यान, अपघातातील स्कॉर्पिओचा नंबर एम एच.28. व्ही 9293 आहे.