Solapur Accident News: एक सर्पमित्र अन् दुसरा व्हिडिओ एडिटर; जिवलग मित्रांचा अपघातात दुर्दैवी अंत, कारची ट्रकला जोरदार धडक बसली अन् जागीच...

Solapur Accident News: मोहोळ येथील तेलंगवाडी गावाजवळ कारने ट्रकला पाठीमागून जोरदार धडक दिल्याने दोन तरुण मित्रांचा जागीच मृत्यू झाला.

Solapur Accident News

सोलापूर-पुणे महामार्गावर भीषण अपघाताची धक्कादायक घटना समोर आली आहे.

मोहोळ येथील तेलंगवाडी गावाजवळ कारने ट्रकला पाठीमागून जोरदार धडक दिल्याने दोन तरुण मित्रांचा जागीच मृत्यू झाला. ही घटना काल रात्री एक वाजण्याच्या सुमारास घडली.

सोलापूर-पुणे महामार्गावर मोहोळ तालुक्यातील तेलंगवाडी गावाजवळ 12 मे 2026 रोजी मध्यरात्री अंदाजे एक वाजता भीषण अपघात झाला.

पुणे-सोलापूर दिशेने येत असलेल्या MH 13 DT 8093 या एरिका कारने समोर जाणाऱ्या TN 54 R 8881 या ट्रकला पाठीमागून जोरदार धडक दिली.

अपघात इतका भीषण होता की, कारमधील दोन्ही तरुणांचा जागीच मृत्यू झाला. मृत्यू झालेल्या दोघांचे नाव संकल्प शिवपुत्र गुरव (वय २२) आणि त्यांचा मित्र नागनाथ मल्लाप्पा बिराजदार (वय २८) असे आहे.

Continues below advertisement

दोन्ही तरुण दक्षिण सोलापूर तालुक्यातील धोत्री येथील रहिवासी होते.

अपघातानंतर दोघांना तात्काळ सोलापूर येथील श्री छत्रपती शिवाजी महाराज सर्वोपचार रुग्णालयात दाखल करण्यात आले. मात्र उपचारापूर्वीच दोघे मयत झाल्याचे डॉक्टरांनी घोषित केले.

संकल्प गुरव हे व्यावसायिक व्हिडिओ शूटिंग आणि एडिटिंगचे काम करत होते. त्यांच्या पश्चात आई, वडील आणि भाऊ असा परिवार आहे.

नागनाथ बिराजदार हे गोकुळ शुगर फॅक्टरीमध्ये कामाला होते.

ते सर्पमित्र म्हणूनही कार्यरत होते. त्यांच्या पश्चात एक मुलगा, एक मुलगी, आई-वडील, भाऊ आणि दोन बहिणी असा मोठा परिवार आहे.

या अपघाताने संपूर्ण धोत्री गावावर शोककळा पसरली आहे. या घटनेचा अधिक तपास पोलीस करत आहेत.