अंबोली घाटातला धबधबा पर्यटकांसाठी सायंकाळी 5 नंतर बंद ठेवण्याचा निर्णय; शनिवार-रविवारी सुरक्षेसाठी प्रशासनाचा निर्णय

मुख्य धबधब्यावरील पर्यटकांना खाली उतरवून धबधब्यावर जाणाऱ्या पर्यटकांना मज्जाव करण्यात येणार असून सायंकाळी पाच वाजल्यानंतर मुख्य धबधबा बंद करण्यात येणार आहे.

amboli waterfall

पावसाळ्यात आंबोलीतील मुख्य धबधबा परिसरात मोठ्या प्रमाणावर पर्यटकांची गर्दी पाहायला मिळते.

वाढत्या अपघातांच्या पार्श्वभूमीवर शनिवार-रविवार सायंकाळी ५ वाजल्यानंतर मुख्य धबधबा बंद ठेवण्याचा निर्णय प्रशासनानं घेतला आहे.

मुख्य धबधबा, हिरण्यकेशी, कावळेसाद, महादेवगड पॉईंट या ठिकाणी आता शनिवार आणि रविवार सायंकाळी 5 नंतर प्रवेशास मज्जाव असणार आहे.

5 वाजता धबधबा परिसरात असलेल्या पर्यटकांना खाली उतरवण्यात येणार आहे आणि नवीन पर्यटकांना वर जाण्याची परवानगी दिली जाणार नाही.

सर्व स्टॉलही 5 वाजता बंद ठेवण्याच्या सूचना दिल्या आहेत.

पावसामुळे अंबोली घाटात सुरु झालेल्या धबधब्यामुळे परिसरात दृश्यमानता कमी होते.

त्यामुळे ज्या भागात दृश्यमानता कमी असेल अशा भागात पर्यटकांना जाण्यास मज्जाव करण्यात आला असून परिस्थितीनुरुप पुढील निर्देश केले जातील

असे आदेश पोलीस निरीक्षक अमोल चव्हाण यांनी सांगितलं.

अंबोली घाटात सध्या सुंदर निसर्गसौंदर्य पर्यटकांसह प्रवाशांना पहायला मिळत आहे.

हिरवाईसह धबधब्यांचं सुंदर दृश्य पाहण्यासाठी पर्यटकांची पावले या भागात वळली आहेत.