एक्स्प्लोर

Koyna Dam: कोयना धरणात अवघा 9 टीएमसी पाणीसाठा; जलसमाधी घेतलेली ऐतिहासिक मंदिरं अन् गावं आली उघड्यावर, पाण्याच्या भीषणतेची ड्रोन PHOTO

Koyna Dam: सातारा जिल्ह्याची जीवनदायिनी आणि महाराष्ट्राची भाग्यलक्ष्मी मानलं जाणारं कोयना धरण सध्या चिंताजनक स्थितीत पोहोचलं आहे.

Written By : वैभव बोडके | Updated at : 14 Jun 2026 02:41 PM (IST)

Koyna Dam

1/10

अनेक वर्षांनंतर सातारा जिल्ह्यातील कोयना धरणातील पाण्याची पातळी अत्यंत खालावली असून, धरणाच्या पाण्याची भीषणता समोर आली आहे.

2/10

तब्बल 105.25 टीएमसी साठवण क्षमता असलेल्या या अवाढव्य धरणात सध्या उपयुक्त पाणीसाठा घटून अवघा 9 टीएमसीवर आला आहे.

3/10

धरणाची पातळी झपाट्याने घटल्याने अनेक वर्षांपूर्वी पाण्याखाली गेलेली, जलसमाधी घेतलेली प्राचीन आणि ऐतिहासिक मंदिरे आता पूर्णपणे उघड्यावर आली आहेत.

4/10

धरण बांधताना ज्या गावांनी जलसमाधी घेतली होती, त्या गावांच्या घरांच्या आणि वाड्यांच्या खुणा पाणी आटल्यामुळे पुन्हा एकदा जिवंत झाल्या आहेत.

5/10

कोयना पाणलोट क्षेत्रातील पावसाचे माहेरघर म्हणून ओळखल्या जाणाऱ्या 'नवजा' गावातील ग्रामदैवत मानाईदेवी मंदिराचे अवशेष आता स्पष्टपणे दिसू लागले आहेत.

6/10

धरणाच्या अंतर्गत भागातील आणि उघड्या पडलेल्या मंदिरांची ही अद्भूत आणि दुर्मिळ दृश्ये ड्रोन कॅमेऱ्यात कैद झाली आहेत.

7/10

इतिहासाचे साक्षीदार असलेल्या या ऐतिहासिक वास्तू आणि मंदिरांचे अवशेष पाहण्यासाठी कोयना धरणाच्या बॅकवॉटर परिसरात पर्यटकांची मोठी गर्दी होत आहे.

8/10

उघड्या पडलेल्या या वास्तू एकीकडे पर्यटकांमध्ये मोठे कुतूहल निर्माण करत असल्या, तरी दुसरीकडे घटणारा पाणीसाठा स्थानिक प्रशासनाची चिंता वाढवत आहे.

9/10

मान्सून लांबल्यास किंवा पावसाने ओढ दिल्यास हा घटलेला पाणीसाठा मोठ्या जलसंकटाची गंभीर घंटा वाजवत आहे.

10/10

कोयना पाणलोट क्षेत्रात लवकरात लवकर जोरदार पाऊस सुरू होऊन धरणातील पाणीसाठ्यात वाढ व्हावी, यासाठी आता बळीराजासह संपूर्ण सातारा जिल्हा डोळे लावून बसला आहे.