मिरजमध्ये टर्न घेताना कार थेट घरात घुसली, कौटुंबिक साहित्याचे नुकसान; पोलिसांकडून पंचनामा

राज्यातील अपघाताच्या घटनांमध्ये सातत्याने वाढ होताना दिसून येते, कधी कधी खराब रस्ते हेही अपघातेच प्रमुख कारण ठरते, तर कधी धोकादायक वळणे अपघाताला कारणीभूत ठरतात

Sangli miraj car accident

राज्यातील अपघाताच्या घटनांमध्ये सातत्याने वाढ होताना दिसून येते, कधी कधी खराब रस्ते हेही अपघातेच प्रमुख कारण ठरते, तर कधी धोकादायक वळणे अपघाताला कारणीभूत ठरतात

मिरज शहरातील मंगळवार पेठ येथील बॉम्बे स्टार बेकरीसमोर आज सकाळी एक धक्कादायक अपघात घडला. येथील मार्गावर टर्न घेत असताना चारचाकी वाहनावरील चालकाचा ताबा सुटल्याने भीषण अपघात झाला.

चारचाकी वाहनाने प्रथम एका दुचाकीला धडक दिली आणि त्यानंतर थेट एका घरात कार घुसली. मंगळवार पेठ परिसरातील बॉम्बे स्टार बेकरीसमोर हा अपघात घडला.

चारचाकी वाहन वळण घेत असताना चालकाचे नियंत्रण सुटल्याने वाहन भरधाव वेगाने पुढे गेले. त्यावेळी रस्त्याच्या कडेला उभ्या असलेल्या दुचाकीला धडक देत वाहन थेट घरात घुसले.

कार अचानक मोठ्या वेगाने घरात घुसल्याने दुर्घटनेत घराचे मोठ्या प्रमाणात नुकसान झाले असून घरमालक इम्तियाज सौदागर यांच्या मालमत्तेची हानी झाली आहे.

Continues below advertisement

सुदैवाने या अपघातात कोणतीही जीवितहानी झाली नसल्याने मोठा अनर्थ टळला. अपघातानंतर परिसरात नागरिकांची मोठी गर्दी झाली होती. गाडीवर वकीलाचा लोगो असल्याची ही कार वकिलाची आहे का याचाही तपास सुरू आहे.

दरम्यान, घटनेची माहिती मिळताच वाहतूक शाखेचे पोलीस तसेच मिरज शहर पोलीस घटनास्थळी दाखल झाले. पोलिसांनी पंचनामा करून पुढील तपास सुरू केला आहे.