Samruddhi Mahamarg Accident : चालकाला आली डुलकी, भरधाव कार थेट ट्रकला जाऊन धडकली; समृद्धी महामार्गावरील अपघातात 2 जण ठार, तर तिघे गंभीर

Samruddhi Mahamarg Accident : बुलढाणा जिल्ह्यातून अपघाताची मोठी बातमी समोर आली आहे. यात समृद्धी महामार्गावरील मेहकर नजीक नागपूर कॉरिडॉर वरच्या चेनेज 268 जवळ भीषण अपघात झाला आहे.

Samruddhi Mahamarg Accident

बुलढाणा जिल्ह्यातून अपघाताची मोठी बातमी समोर आली आहे. यात समृद्धी महामार्गावरील मेहकर नजीक नागपूर कॉरिडॉर वरच्या चेनेज 268 जवळ भीषण अपघात झाला आहे.

भरधाव कार समोर जात असताना ट्रकला पाठीमागून धडकुन झालेल्या अपघातात 2 जण ठार तर 3 जण गंभीर जखमी झाले आहे.

पुढे आलेल्या माहितीनुसार, पहाटे पाचच्या सुमारास हा अपघात झाल्याची माहिती आहे.

कार पुण्याहून वाशिमकडे जात असताना कार चालकाला झोपेची डुलकी आल्याने अनियंत्रित कार समोर जात असलेल्या ट्रकला धडकून हा अपघात झाल्याचे सांगण्यात येतंय.

जखमींवर मेहकर येथील शासकीय रुग्णालयात उपचार करण्यात आले, मात्र तिन्ही जखमींची प्रकृती चिंताजनक असल्याने पुढील उपचारासाठी संभाजीनगर येथे रवाना करण्यात आले आहे.