जगबुडी नदीच्या पुलावर ट्रकची भीषण अपघात, कठड्यावर तरला; 200 फूट खोल पडता पडता वाचला

मुंबई-गोवा महामार्गावर भीषण अपघाताची घटना घडली असून जगबुडी पुलावर कंटेनर अडकल्याने अनेकांचा जीव टांगणीला लागला होता.

Jagbudi river ratnagiri

मुंबई-गोवा महामार्गावर भीषण अपघाताची घटना घडली असून जगबुडी पुलावर कंटेनर अडकल्याने अनेकांचा जीव टांगणीला लागला होता.

जगबुडी नदीवर असलेल्या पुलावरुन 200 फूट खोल नदीत पडण्यापासून ट्रक सुदैवाने बचावला, त्यानंतर दोन क्रेनने कंटेनर बाहेर काढण्यात आला. त्यामुळे, दीड तास वाहतूक विस्कळीत झाली होती.

मुंबई-गोवा महामार्गावरील खेड तालुक्यातील भरणे नाका येथे जगबुडी नदीच्या पुलावर भीषण अपघात घडला. आज सकाळी सातच्या सुमारास गोव्याहून मुंबईच्या दिशेने जाणाऱ्या मालवाहू कंटेनरवरील चालकाचे नियंत्रण सुटल्याने कंटेनर दुभाजक तोडून दोन पुलांच्या मधोमध अडकला.

या अपघातात कंटेनर अर्धा नदीच्या दिशेने झुकला होता. दैव बलवत्तर म्हणून मोठी दुर्घटना टळली, अन्यथा हा कंटेनर थेट सुमारे २०० फूट खोल जगबुडी नदीत कोसळला असता.

घटनेची माहिती मिळताच पोलिसांनी तात्काळ घटनास्थळी धाव घेत दोन क्रेनच्या सहाय्याने अडकलेला कंटेनर सुरक्षित बाहेर काढला. या अपघातात कंटेनर चालक किरकोळ जखमी झाला असून त्याला उपचारासाठी हलवण्यात आले.

Continues below advertisement

दरम्यान, कंटेनर काढण्याच्या कामादरम्यान मुंबई-गोवा मार्गावरील एक लेन सुमारे दीड तास बंद ठेवावी लागली होती. या पुलावरील आठवड्यातील हा दुसरा भीषण अपघात ठरला आहे.

सुदैवाने ट्रक पुलावरील कठड्यावर अडकल्याने मोठा अनर्थ टळला, या घटनेचा व्हिडिओ आणि फोटो सोशल मीडियावर व्हायरल होत आहेत.