Chhatrapati Sambhaji Maharaj : "आज आमचा राजा बसला तख्त मराठी वरी!" किल्ले रायगडावर आज छत्रपती संभाजी महाराजांचा नेत्रदीपक राज्याभिषेक सोहळा

Sambhaji Maharaj Rajyabhishek Din: छत्रपती संभाजी महाराजांचा आज किल्ले रायगडावर राज्याभिषेक सोहळा संपन्न होत आहे. रायगड श्री शंभू राज्याभिषेक सोहळा समितीकडून विविध कार्यक्रमाचे आयोजन करण्यात आलंय.

Sambhaji Maharaj Rajyabhishek Din

हिंदवी स्वराज्याचे दुसरे छत्रपती शिवपुत्र छत्रपती संभाजी महाराज यांचा आज दुर्गदुर्गेश्वर किल्ले रायगडावर राज्याभिषेक सोहळा पार पडतोय.

दुर्गदुर्गेश्वर किल्ले रायगडवर छत्रपती श्री संभाजी महाराज राज्याभिषेक दिनोत्सव सेवा समिती दुर्गदुर्गेश्वर रायगड समितीकडून आज गडावर संपूर्ण तयारी करण्यात आलीय.

जगदीश्वर मंदिरात काल (शनिवारी) शास्त्रयुक्त पद्धतीने पूजा विधी पार पडली.

त्यानंतर आज (रविवारी) महाराजांचा राज्याभिषेक सोहळा होणार आहे. या सोहळ्यासाठी महाराष्ट्र भरातून हजारो शिवभक्त किल्ले रायगडवर दाखल झाले आहेत.

दरम्यान, मंत्री भरत गोगावले ही या सोहळ्यास उपस्थित राहणार आहेत. सध्या किल्ले रायगडावर मोठ्या संख्येने शिव-शंभू भक्तांची मांदियाळी बघायला मिळते आहे.

रायगडावरील होळीच्या माळावर विविध मर्दानी खेळांची प्रात्यक्षिके सुरू आहेत.

हर हार महादेव... जय जिजाऊ, जय शिवराय.. जय शंभूराजेंच्या जयघोषानं अवघा गड दणाणून गेला आहे.

दुर्गराज रायगड श्री शंभू राज्याभिषेक सोहळा समितीकडून विविध कार्यक्रमाचे आयोजन करण्यात आलंय.

यावेळी गडावर लहान मावळ्यापासून वयोवृद्ध शिव-शंभू राजांच्या इतिहासाचा आणि पराक्रमाचा जागर घालत त्याची अनुभूती घेत असल्याची भावना व्यक्त करतायत.

यावेळी राजसदरेवरी छत्रपती शिवाजी महाराजांच्या मूर्तीवर आकर्षक फुलांची आरास करण्यात आली असून संपूर्ण राजसदर फुलांनी सजली आहे.