धोंड्याच्या महिन्यात जावयासह लेकीचाही मान; पुण्यात सुनेलाही धोंडे दान, चक्क चांदीच्या चप्पल भेट

अधिक मास निमित्ताने सध्या सर्वत्र जावयांचे लाड केले जात असून लाडक्या जावयासह लेकीलाही नवीन कपडे किंवा दागिने घेतले जात आहेत. सोशल मीडियातूनही ते पाहायला मिळत आहे.

Pune silver sandle for daughter in law

अधिक मास निमित्ताने सध्या सर्वत्र जावयांचे लाड केले जात असून लाडक्या जावयासह लेकीलाही नवीन कपडे किंवा दागिने घेतले जात आहेत. सोशल मीडियातूनही ते पाहायला मिळत आहे.

कोल्हापुरातील एका कुटुंबीयाने आपल्या जावयासाठी चक्क चांदीच्या चप्पला घेतल्याचे वृत्त काही दिवसांपूर्वी झळकले होते, तर अनेक ठिकाणी जावयाची मोठी हौस केल्याचं दिसून येतंय.

पिंपरी चिंचवड शहरातील बारणे कुटुंबीयांची सून आणि मुलीला दिली अनोखी भेट, बारणे कुटुंबीयांकडून लाखो रुपये किमतीच्या चांदीच्या भरीव चपला सुन आणि मुलीला भेट

तीन वर्षानंतर येणाऱ्या अधिकमास महिन्यात माहेरच्या मंडळींकडून आपल्या मुलीला चांदीचे पैजन किंवा जोडवे हिंदू परंपरेनुसार भेट दिले जातात.

पिंपरी चिंचवड शहरातील संतोष नगर भागात राहणाऱ्या सचिन नागोभाऊ बारणे कुटुंबीयांनी मात्र आपल्या सुन आणि मुलीला अक्षरशः चांदीच्या लाख रुपये किमतीच्या भरीव पादत्राणे (चपला) भेट दिल्या आहेत.

चांदी ही मूल्यवान तसेच उष्णता शोषून घेत असल्याने बारणे कुटुंबीयांनी आपल्या सून आणि मुलीला चांदीचे पादत्राणे भेट दिली आहेत. त्यासाठी त्यांनी पिंपरी चिंचवड शहरातील ज्वेलर्सकडे विशेष मागणी करून तीन जोडी चांदीचे पादत्राणे तयार करून घेतली.

सून आणि लेकीसाठी खरेदी केलेल्या प्रत्येक चांदीच्या पादत्राणांची किंमत जवळपास लाख रुपयांपेक्षा जास्त आहे.

आमची मुलगी ज्याप्रमाणे आमच्यासाठी लक्ष्मीसारखी आहे, अगदी त्याचप्रमाणे आमची सून देखील आमच्यासाठी लक्ष्मी स्वरूप आहे. त्यामुळे अधिक मास निमित्ताने आम्ही आमच्या सून आणि मुलीला चांदीचं पादत्राणे भेट देण्याचं नियोजन केलं आहे अशी भावना बारणे कुटुंबीयांनी व्यक्त केली आहे.