Pune News: पिंपरी चिंचवड विद्यापीठाच्या इतिहासातील सुवर्णक्षण, पहिला पदवीदान समारंभ थाटात, शेकडो विद्यार्थी झाले पदवीधर

Pune News: समारंभाचे मुख्य अतिथी म्हणून नामांकित वैज्ञानिक डॉ. विजय भटकर उपस्थित होते. तर विशेष अतिथी म्हणून सावित्रीबाई फुले पुणे विद्यापीठाचे माजी कुलगुरू डॉ. नितीन करमळकर उपस्थित होते.

Pune News

पिंपरी चिंचवड विद्यापीठ, पुणे यांचा पहिला पदवीदान समारंभ आज यशस्वीपणे संपन्न झाला. हा समारंभ विद्यापीठाच्या वाटचालीतील एक ऐतिहासिक टप्पा ठरला.

समारंभाचे मुख्य अतिथी म्हणून नामांकित वैज्ञानिक डॉ. विजय भटकर उपस्थित होते. तर विशेष अतिथी म्हणून सावित्रीबाई फुले पुणे विद्यापीठाचे माजी कुलगुरू डॉ. नितीन करमळकर उपस्थित होते. समारंभाची अध्यक्षता कुलपती श्री. हर्षवर्धन पाटील यांनी केली.

या प्रसंगी पिंपरी चिंचवड एज्युकेशन ट्रस्टचे अध्यक्ष श्री. ज्ञानेश्वर लांडगे, उपाध्यक्ष सौ. पद्माताई भोसले, सचिव श्री. विठ्ठल काळभोर, खजिनदार श्री. शांताराम गराडे, पीसीईटीचे कार्यकारी संचालक डॉ. गिरीश देसाई तसेच पिंपरी चिंचवड विद्यापीठाचे कुलगुरू डॉ. संतोष सोनावणे उपस्थित होते.

या पदवीदान समारंभात एमबीए, एमसीए आणि एलएलएमच्या पहिल्या बॅचचे विद्यार्थी पदवीधर झाले. यशस्वी उमेदवारांना औपचारिकरीत्या पदव्या प्रदान करण्यात आल्या.

समारंभात मान्यवरांनी सर्व पदवीधरांचे मनःपूर्वक अभिनंदन केले. विद्यार्थ्यांना संशोधन, नाविन्य आणि राष्ट्रनिर्मितीसाठी योगदान देण्याचे आवाहन करण्यात आले.

Continues below advertisement

या समारंभाला पालक, माजी विद्यार्थी, शिक्षकवृंद तसेच विद्यार्थी मोठ्या संख्येने उपस्थित होते. संपूर्ण परिसरात आनंद, अभिमान आणि उत्साहाचे वातावरण अनुभवायला मिळाले.