रुपाली ठोंबरेंचे फेसबुकवर 3 लाख 72 हजार फॉलोअर्स; पुण्यात महापालिकेला 2 ठिकाणी पराभव

पुण्यातील महापालिका निवडणुकांमध्ये यंदा पुणेकरांचं दोन चेहऱ्यांकडे लक्ष लागलं होतं. ते म्हणजे शिवसेना ठाकरे गटाचे वसंत मोरे आणि अजित पवारांच्या राष्ट्रवादीच्या रुपाली ठोंबरे यांच्या प्रभागाकडे.

Rupali thombare pune mahapalika election

पुण्यातील महापालिका निवडणुकांमध्ये यंदा पुणेकरांचं दोन चेहऱ्यांकडे लक्ष लागलं होतं. ते म्हणजे शिवसेना ठाकरे गटाचे वसंत मोरे आणि अजित पवारांच्या राष्ट्रवादीच्या रुपाली ठोंबरे यांच्या प्रभागाकडे.

निवडणुकीच्या मतमोजणीदरम्यान प्रभाग क्रमांक 25 मध्ये राष्ट्रवादी काँग्रेसच्या उमेदवार रूपाली ठोंबरे यांनी मतमोजणीवर गंभीर आक्षेप घेतला. त्यामुळे, काही काळ मतमोजणी बंद ठेवण्यात आली होती.

विशेष म्हणजे या वादानंतर रुपाली ठोंबरेंनी जाळीवर चढून मतमोजणी केंद्रात जाण्यासाठी प्रयत्न केले; परंतु पोलिसांच्या मध्यस्थीने त्यांना रोखण्यात आले. मात्र, या घटनेचे फोटो चांगलेच व्हायरल झाले आहेत.

रूपाली ठोंबरे या प्रभाग 25 आणि 26 मधून रिंगणात होत्या. मात्र, दोन्ही ठिकाणाहून रुपाली ठोंबरेना पराभवा पत्कारावा लागला. विशेष म्हणजे फेसबुकवर 3 लाख 72 हजार फॉलोअर्स असणाऱ्या रुपाली ठोंबरेंना प्रभाग 25 मध्ये तब्बल 18455 मतांनी पराभव झाला आहे.

प्रभाग 25 अ मधून रुपाली ठोंबरे निवडणूक लढवत होत्या, मात्र येथे त्यांना पराभव पत्कारावा लागला. येथे भाजप उमेदवार स्वप्नाली नितीन पंडित विजयी झाल्या आहेत. स्वप्नाली पंडित यांना 22987 मतं मिळा्ली असून रुपाली ठोंबरे यांना 4532 मतं मिळाली आहेत.

म्हणजेच रुपाली ठोंबरेंचा 18455 मतांनी पराभव झाला असून त्या प्रभागात तिसऱ्या क्रमांकावर आहेत. दुसऱ्या क्रमांकावर मनसेच्या अमृता भोकरे असून त्यांना 11,480 मतं मिळाली आहेत.

प्रभाग 26 ब मधूनही रुपाली ठोंबरे उमेदवार होत्या, मात्र येथील प्रभागातही त्यांना पराभव स्वीकारावा लागला. येथे भाजपच्या स्नेहा माळवदे विजयी झाल्या असून त्यांना 12,593 मतं मिळाली आहेत. तर, रुपाली ठोंबरे यांना 9094 मतं मिळाली.

त्यामुळे, येथील प्रभागात रुपाली ठोंबरेंचा 3499 मतांनी पराभव झाला आहे. येथे शिंदेसेनेच्या शीतल आंदेकर तिसऱ्या क्रमांकावर असून त्यांना 6038 मतं पडली आहेत.