पुणे-नाशिक महामार्गावर मोठी वाहतूक कोंडी, चार किमीपर्यंत वाहनांच्या रांगा, रणरणत्या उन्हात प्रवाशांचे हाल

1/10

सध्या लग्नसराईचा हंगाम सुरू असल्याने पुणे व मुंबईमधून ग्रामीण भागाकडे जाणाऱ्या नागरिकांची संख्या मोठ्या प्रमाणात वाढली आहे.

2/10

याच पार्श्वभूमीवर पुणे–नाशिक महामार्गावर वाहतुकीचा ताण वाढला असून चाकण ते खेड दरम्यानच्या शिरोली फाट्याजवळ मोठी कोंडी निर्माण झाली आहे.

3/10

या ठिकाणी जवळपास दोन ते चार किलोमीटरपर्यंत वाहनांच्या रांगा लागल्याचे चित्र दिसत आहे.

4/10

भर दुपारच्या कडक उन्हात वाहनांमध्ये अडकून पडलेल्या प्रवाशांचे हाल होत आहेत.

5/10

चाकण परिसरात वाहतूक कोंडीची समस्या नेहमीच पाहायला मिळते.

6/10

मात्र आता पुणे–नाशिक महामार्गावरील राजगुरुनगर परिसरातही अशा प्रकारची कोंडी वारंवार होत असल्याचे दिसत आहे.

7/10

दरम्यान, वाहतूक सुरळीत करण्यासाठी अद्यापही वाहतूक पोलीस घटनास्थळी पोहोचले नसल्याचा दावा काही नागरिकांनी केला आहे.

8/10

त्यामुळे कोंडी आणखी वाढण्याची शक्यता व्यक्त केली जात आहे.

9/10

या मार्गावरून प्रवास करणाऱ्या वाहनचालकांनी शक्यतो पर्यायी मार्गांचा वापर करावा, असे आवाहनही काही स्थानिकांनी केले आहे.

10/10

वाहनांच्या लांबच लांब रांगा लागल्याने प्रवाशांना मोठा मनस्ताप सहन करावा लागत आहे.

Pune Nashik Highway