Kothrud Accident News: गाड्या एकमेकांवर आदळल्या, काचा फुटल्या, कोथरूड परिसरात 4 वाहनांचा विचित्र अपघात, भीषण फोटो समोर

Kothrud Accident News: भरधाव वेगाने येणाऱ्या वाहनांमुळे हा विचित्र अपघात घडल्याचे सांगण्यात येत आहे. या अपघातामुळे काही काळ परिसरात मोठी वाहतूक कोंडी निर्माण झाली होती.

Kothrud Accident News

कोथरूड परिसरातील वेद भवन पुलावर आज सकाळी भीषण अपघात झाला. या अपघातात तीन ते चार वाहने एकमेकांवर आदळली असून, दोन जण जखमी झाले आहेत.

भरधाव वेगाने येणाऱ्या वाहनांमुळे हा विचित्र अपघात घडल्याचे सांगण्यात येत आहे. या अपघातामुळे काही काळ परिसरात मोठी वाहतूक कोंडी निर्माण झाली होती.

प्रत्यक्षदर्शींच्या माहितीनुसार, एक वाहन अचानक ब्रेक दाबल्याने मागून येणाऱ्या वाहनांचे नियंत्रण सुटले आणि एकामागून एक गाड्या आदळल्या. तीन गाड्यांचे मोठ्या प्रमाणावर नुकसान झाले आहे. सुदैवाने कोणतीही जीवितहानी झालेली नाही, अशी माहिती अग्निशमन दलाकडून देण्यात आली आहे.

अपघाताची माहिती मिळताच पोलीस आणि अग्निशमन दलाचे पथक तात्काळ घटनास्थळी दाखल झाले. त्यांनी परिस्थिती नियंत्रणात आणून वाहतूक सुरळीत करण्याचे काम हाती घेतले.

दरम्यान, जखमी दोघांना तात्काळ जवळच्या रुग्णालयात उपचारासाठी दाखल करण्यात आले आहे.

कोथरूड परिसरातील वेद भवन पुलावर या अपघातामुळे सकाळच्या वेळी कामावर निघालेल्या नागरिकांना मोठा त्रास सहन करावा लागला. सध्या वाहतूक पूर्ववत करण्यात आली असून, पोलीस अधिक तपास करत आहेत.

वाहने भरधाव वेगाने चालवण्याचे प्रमाण वाढल्यामुळे अशा अपघातांमध्ये वाढ होत आहे. नागरिकांनी वाहने काळजीपूर्वक आणि नियंत्रणात चालवावीत, असे आवाहन पोलिसांकडून करण्यात आले आहे.