Pune Ganesh Visarjan 2025 : निरोप घेतो देवा आता आज्ञा असावी! पुणेकरांचा गणरायाला निरोप; पाचही मानाचे गणपती मार्गस्थ

Pune Ganesh Visarjan 2025 : विसर्जन निर्विघ्न पार पडावे, यासाठी पोलीस प्रशासन, महानगरपालिका, आपत्ती व्यवस्थापन आणि इतर यंत्रणा सज्ज झाल्या आहेत.

Pune Ganesh Visarjan 2025

आज अनंत चतुर्दशीनिमित्त राज्यभरात दहा दिवसांच्या गणपतीचे विसर्जन होणार आहे. विसर्जनाला पावसाचीही हजेरी लागल्याचे दिसत आहे.

पुणे शहरात आज सकाळपासूनच रिमझिम पावसाच्या सरी बरसत आहेत. विसर्जन निर्विघ्न पार पडावे, यासाठी पोलीस प्रशासन, महानगरपालिका, आपत्ती व्यवस्थापन आणि इतर यंत्रणा सज्ज झाल्या आहेत.

पुणे शहर परिसरात मोठा उत्साहात जल्लोषात विर्सजन मिरवणुका काढण्यात येत आहेत.

पुण्यातील श्री कसबा गणपती हा मानाचा पहिला गणपती विसर्जनासाठी मार्गस्थ झाला आहे. मिरवणुकीत हा गणपती सर्वात पुढे आहे.

पुण्यातील तांबडी जोगेश्वरी या मानाच्या दुसऱ्या गणपतीची मिरवणूक मोठ्या जल्लोषात सुरू झाली असून अनेक भाविक मिरवणुकीत सहभागी झाले आहेत.

मोठ्या उत्साहात, जल्लोषात पुणेकरांनी गणरायाला निरोप दिला, पुणे शहरात विसर्जन मिरवणुका देखील शांततेत पार पडत आहेत.

मानाचा चौथा गणपती श्री तुळशीबाग सार्वजनिक गणेशोत्सव मंडळ ट्रस्टचे यंदा शतकोत्तर रौप्य महोत्सवी वर्ष आहे. फुलांचा वर्षाव आणि ढोल-ताशांच्या गजरात गणपतीची मिरवणूक पारंपरिक पद्धतीने सुरु झाली.

गुरुजी तालीम सार्वजनिक गणेशोत्सव मंडळ हे पुण्यातील सार्वजनिक गणेशोत्सव मंडळ आहे. एकूण पाच मंडळांमध्ये या मंडळाला पुण्यातील गणेश विसर्जन मिरवणुकीत मानाचे स्थान आहे

हिंदुस्थानातील पहिला सार्वजनिक गणपती श्रीमंत भाऊसाहेब रंगारी गणपतीची विसर्जन मिरवणूक देखील दिमाखात पार पडत आहे.