Pune Accident News: पुण्याच्या म्हाळुंगे-बालेवाडीत पुन्हा एकदा भीषण अपघात; 26 वर्षीय तरुणाचा दुर्दैवी मृत्यू

Pune Accident News: पुण्याच्या म्हाळुंगे-बालेवाडी परिसरात पुन्हा एकदा भीषण अपघाताची घटना समोर आली आहे.

Pune Accident News

Pune Accident News: पुण्याच्या म्हाळुंगे-बालेवाडी परिसरात पुन्हा एकदा भीषण अपघाताची घटना समोर आली आहे.

डंपरच्या धडकेत 26 वर्षीय तरुणाचा दुर्दैवी मृत्यू झाला आहे. श्रीहरी व्ही. आनंद असं मृत तरुणाचं नाव आहे.

श्रीहरी हा आपल्या मित्रासोबत बालेवाडी-नांदेड रोडवरून प्रवास करत होता. रात्री साडेअकराच्या सुमारास भरधाव डंपरने त्यांच्या दुचाकीला समोरून जोरदार धडक दिली. या अपघातात श्रीहरी गंभीर जखमी झाला. त्याला उपचारासाठी रुग्णालयात दाखल करण्यात आलं, मात्र उपचारादरम्यान त्याचा मृत्यू झाला. तर त्याचा मित्र किरकोळ जखमी झाला आहे. ही घटना सीसीटीव्ही कॅमेऱ्यात कैद झाली आहे.

अपघातानंतर डंपर चालक घटनास्थळावरून पसार झाला. या प्रकरणी बावधन पोलीस ठाण्यात अज्ञात डंपर चालकाविरोधात गुन्हा दाखल करण्यात आला असून, पोलीस आरोपी चालकाचा शोध घेत आहेत.

म्हाळुंगे-बालेवाडी परिसरात वाढत्या अपघातांच्या पार्श्वभूमीवर अवजड वाहनांच्या वेगावर आणि वाहतुकीच्या नियमांवर पुन्हा एकदा प्रश्नचिन्ह उपस्थित झालं आहे.