पुण्यातील पूजा मोरे ओक्साबोक्शी रडल्या, उमेदवारी मागे घेताना पतीलाही अश्रू अनावर; भाजपात हायव्होल्टेज ड्रामा

पुण्यातील प्रभाग क्रमांक 2 मधून भाजपच्या तिकीटावर उमेदवारी अर्ज दाखल केलेल्या पूजा मोरे यांना अखेर निवडणुकीतून माघार घ्यावी लागली आहे.

Pune pooja more cried birst bjp candidate

पुण्यातील प्रभाग क्रमांक 2 मधून भाजपच्या तिकीटावर उमेदवारी अर्ज दाखल केलेल्या पूजा मोरे यांना अखेर निवडणुकीतून माघार घ्यावी लागली आहे. सोशल मीडियातून होणाऱ्या 'ट्रोलिंग'मुळे पुजा धनंजय जाधव यांनी पुणे मनपाची उमेदवारी मागे घेतली.

भाजपने प्रभाग क्रमांक 2 मधून पूजा मोरे यांना तिकिट दिलं होतं, ट्रोलर्सने पुजा जाधव यांचे जुने फडणवीस विरोधी व्हिडिओ काढून ट्रोलिंग सुरू केलं होतं. त्यामुळे, अर्ज मागे घेतल्यानंतर पूजा मोरे यांनी पत्रकार परिषद घेऊन माहिती दिली.

शेतकऱ्यांसाठी आयुष्य झोकून दिलं, कमी वयात 5 गुन्हे अंगावर घेतले. मी महिलांचा आवाज बुलंद करण्याचं काम केलं आहे, असे म्हणत पूजा मोरे यांना पुन्हा पत्रकार परिषदेत रडू कोसळले.

गुन्हे दाखल व्हायचे, त्यावेळी मी शौचालयाच्या बाहेर झोपली आहे, बिन लग्नाची मुलगी होते. राजकारण घाणेरडे असतं असं म्हणतात, बापाने सगळं करू दिलं. विरोधकांची प्रभागाची टीम आहे, त्याची विक्टिम मी बनत आहे.

माझा प्रवास खूप सामान्य घरातून झाला आहे. मी धनंजय जाधव यांच्याशी लग्न करून या पुण्यात राहायला आले. पोलिसांच्या लाठ्याकाठ्या खात शेतकऱ्यांसाठी गुन्हे अंगावर घेतले. कोर्टाच्या चकरा मारल्या. न्यायालयात खटले लढवायला माझ्याकडे पैसे नसायचे या परिस्थितीतून मी पुढे आलीय.

माझ्यासारख्या सामान्य कार्यकर्त्याला मोठ्या पक्षाची उमेदवारी मिळत नाही. ते भाग्य माझ्या नशिबात आले होते. या पक्षातून एखाद्या पदावर जात तळागाळातील लोकांसाठी न्याय देण्याचं काम मला करायचे होते.

दरम्यान, माझ्या आयुष्यात झालेल्या एका छोट्या चुकीचा मोठा बाऊ करून माझ्याविरोधात षडयंत्र झाले. त्याच्या मला वेदना होतायेत, विरोधकांची प्रभागाची टीम आहे, त्याची विक्टिम मी बनत आहे, असं त्यांनी म्हटले.

दरम्यान, पूजा मोरे यांनी पहलगाम हल्ल्यानंतर दिलेली प्रतिक्रिया आणि मराठा आरक्षण आंदोलनावेळी फडणवीसांवर केलेल्या टीकेनंतर भाजपा कार्यकर्त्यांकडून त्यांना प्रचंड ट्रोल केले जात होते. त्यानंतर अर्ज मागे घेतल्यानंतर पूजा मोरे यांच्या डोळ्यात पाणी आले.