Bhimashankar Temple : स्वर्गीय अनुभव! धुक्याच्या ढगात हरवले भीमाशंकर मंदिर; वीकेंडला निसर्गाचा आनंद घेण्यासाठी पर्यटकांची गर्दी, पाहा Photos

Bhimashankar Temple : धुक्याचे ढग, रिमझिम पाऊस आणि हिरवाईने नटलेली वनराई पर्यटकांना भुरळ घालत आहे.

Bhimashankar Temple

पावसाच्या आगमनानंतर सह्याद्रीच्या डोंगररांगांमधील भिमाशंकर परिसर निसर्गसौंदर्याने बहरून गेला आहे.

धुक्याचे ढग, रिमझिम पाऊस आणि हिरवाईने नटलेली वनराई पर्यटकांना भुरळ घालत आहे.

भिमाशंकर परिसरात सध्या आल्हाददायक वातावरण अनुभवायला मिळत आहे.

डोंगरांवर पांघरलेली धुक्याची चादर, रिमझिम पावसाच्या सरी आणि सर्वत्र पसरलेली हिरवाई यामुळे पर्यटकांची पावले या पर्यटनस्थळांकडे वळत आहेत.

सह्याद्रीत मुसळधार पावसाची प्रतीक्षा असली, तरी सध्याचे हे निसर्गरम्य वातावरण पर्यटकांसाठी खास आकर्षण ठरत आहे.

मुसळधार पाऊस आणि पडणारे धुके यामुळे मंदिर धुक्यामध्ये हरकून गेले होते. निसर्गाचा अविष्कार पाहण्यासाठी आणि दर्शनासाठी भाविकांनी गर्दी केली होती.

बारा ज्योतिर्लिंगांपैकी सहावे ज्योतिर्लिंग म्हणून ओळखल्या जाणाऱ्या श्री क्षेत्र भीमाशंकर येथे भक्तांची कायमच गर्दी असते.

आता शनिवारी, रविवारीस सुट्टी असल्याने श्रीक्षेत्र भीमाशंकर येथे मोठ्या प्रमाणात भाविकांची गर्दी पहावयास मिळाली.

परिसरात पाऊस पडत असतानाही भाविकांनी रेनकोट परिधान करत रांगेत उभे राहून महादेवाचे दर्शन घेतले.