West Bengal Election 2026: महिला आरक्षणावरुन रणकंदन, पण पश्चिम बंगालच्या निवडणुकीत भाजप-काँग्रेसने किती महिलांना उमेदवारी दिली?

PM Modi speech: मोदींच्या भाषणात सबकुछ काँग्रेस, 30 मिनिटांत 60 वेळा नाव, विधानसभा निवडणुकीच्या मतदानापूर्वी टाकला डाव. सगळे पक्ष म्हणतात आम्ही महिलांच्या बाजूने पण प्रत्यक्षात किती महिलांना उमेदवारी

West Bengal Election 2026

पश्चिम बंगालमध्ये 23 आणि 29 एप्रिलला दोन टप्प्यांमध्ये विधानसभा निवडणुकीसाठी मतदान होईल. संसदेत केंद्र सरकारने मांडलेले महिला आरक्षण विधेयक मंजूर होऊ शकले नाही. या पार्श्वभूमीवर ही निवडणूक महत्त्वाची ठरणार आहे. संसदेत सर्वच राजकीय पक्षांनी आपण महिलांच्या बाजूने असल्याचा दावा केला असला तरी प्रत्यक्षात कोणी किती महिला उमेदवार रिंगणात उतरवले आहेत, याची आकडेवारी समोर आली आहे.

पश्चिम बंगाल विधानसभा निवडणुकीत तृणमूल काँग्रेसने सर्वाधिक 27 टक्के महिलांना उमेदवारी दिली आहे. तृणमूल काँग्रेसमध्ये महिलांना उमेदवारी देण्याचे प्रमाण नेहमीचजास्त राहिले आहे. तृणमूलनं 291मेदवार रिंगणात उतरवले आहेत. यापैकी 52 महिला उमेदवार आहेत.

पश्चिम बंगालमध्ये डाव्या पक्षांनी फक्त 13 टक्के महिला उमेदवार रिंगणात उतरवले आहेत. सीपीआय बाकीच्या डाव्या पक्षांसोबत आघाडी करुन 235 जागांवर निवडणूक लढवत आहे. त्यापैकी 34 जागांवर महिलांना उमेदवारी देण्यात आली आहे.

तर काँग्रेसच्या महिला उमेदवारांची संख्या 12 टक्के इतकी आहे. काँग्रेस पक्ष 294 जागा लढवत आहे. त्यांनी 35 महिला उमेदवार रिंगणात उतरवले आहेत.

महिला आरक्षणाच्या मुद्द्यावरुन आक्रमक झालेल्या भाजपने पश्चिम बंगालच्या निवडणुकीत 11 टक्के महिला उमेदवार रिंगणात उतरवले आहेत. भाजप पश्चिम बंगालमधील सर्व 294 जागांवर निवडणूक लढवत आहे. मात्र, यापैकी फक्त 33 जागांवर पक्षाने महिला उमेदवारांना संधी देण्यात आली आहे.

महिला आरक्षणाच्या घटनादुरुस्तीकडे देशातील तमाम पहिला आशेने पाहत होत्या. पण काँग्रेस, तृणमूल काँग्रेस, द्रमुक आणि समाजवादी या चार पक्षांनी आरक्षणाला विरोध करुन महिलांच्या राजकीय हक्कांची भ्रूणहत्या केली आहे, अशी टीका पंतप्रधान नरेंद्र मोदी यांनी केली.

लोकसभेत शुक्रवारी महिला आरक्षण विधेयक आणि लोकसभा मतदारसंघांच्या फेररचनेसंबंधी घटनादुरुस्ती विधेयक दोन तृतीयांश बहुमत न मिळाल्याने नामंजूर झाले. केंद्रातील सत्ता ताब्यात घेतल्यानंतर एनडीए आघाडीला संसदेत पहिल्यांदाच राजकीय पराभवाला सामोरे जावे लागले.

या पार्श्वभूमीवर पंतप्रधान नरेंद्र मोदी यांनी शनिवारी देशवासियांना उद्देशून भाषण केले. यामध्ये त्यांनी काँग्रेस पक्षावर सडकून टीका केली. महिला आरक्षण लागू करण्यास केंद्र सरकार कटिबद्ध असल्याची ग्वाही नरेंद्र मोदी यांनी दिली.