मोहिते पाटलांच्या साथीने पुन्हा एकदा नारायण पाटलांच्या अंगावर गुलाल, विधानसभेनंतर शिंदे बंधूंना पुन्हा मोठा धक्का

Solapur Politics : करमाळ्यातील साखर कारखान्याच्या निवडणुकीत संजय शिंदे यांना मोठा धक्का बसलाय.

Solapur Politics

Solapur Politics : करमाळ्यात आदिनाथ सहकारी साखर कारखान्यामध्ये मिळविलेल्या जोरदार यशा नंतर शरद पवार गटाचे कार्यकर्त्यांनी चक्क गहू निवडण्याच्या मशीन मधूनच गुलाल उधळून जल्लोष साजरा करण्यास सुरुवात केली आहे.

या निवडणुकीत शरद पवार गटाचे आमदार नारायण आबा पाटील यांनी अजित पवार गटाचे माजी आमदार संजय मामा शिंदे यांचा जोरदार पराभव करीत विजय घोडदौड सुरू ठेवली आहे.

त्यामुळे या विजयाचा जोरदार जल्लोष करमाळा तालुक्यात दिसत असून या यशामागे माढ्याचे खासदार धैर्यशील मोहिते पाटील आणि करमाळ्याचे आमदार नारायण आबा पाटील यांचे प्रयत्न फळाला आले आहेत.

करमाळ्यात विधानसभेपाठोपाठ शरद पवार गटाने अजित पवार गटाला मोठा दणका दिलाय.

आदिनाथ कारखान्यावरही पवार गटाची सत्ता निश्चित झाली असल्याची माहिती आहे.

करमाळा तालुक्यातील आदिनाथ सहकारी साखर कारखाना निवडणुकीत विद्यमान आमदार नारायण आबा पाटील गटाने तेरा जागा मोठ्या फरकाने जिंकत माजी आमदार संजय मामा शिंदे गटाचा मोठा पराभव केला आहे.

उरलेल्या 9 जागांवरही शरद पवार गटाचे आमदार नारायण पाटील गट आघाडीवर आहेत.

त्यामुळे आदिनाथ साखर कारखान्यावरही नारायण पाटील यांची सत्ता येणार असल्याचे निश्चित झाले आहे.

त्यामुळे संजयमामा शिंदे यांना विधानसभेनंतर आणखी एक मोठा धक्का बसलाय.

नारायण पाटील यांच्यामागे धैर्यशील मोहिते पाटील यांनी देखील त्यांची ताकद उभी केली होती.