संजय राऊत दिलदार, भावुक झाला शिल्पकार; खिशातून 500 चं बंडल काढत बैलजोडी घेतली, खटाखट नोटा मोजल्या

शिवसेनेचे फायरब्रँड नेते तथा खासदार संजय राऊत यांच्यातला कलाकार आणि दिलदार माणूस एकाच वेळी पाहायला मिळालं. कलाकाराच्या कलेचा सन्मान करत त्यांनी शिल्पकाराकडून बैलजोडीची प्रतिकृती विकत घेतली.

Sanjay Raut bailjodi jalgaon 8000 Rs

शिवसेनेचे फायरब्रँड नेते तथा खासदार संजय राऊत यांच्यातला कलाकार आणि दिलदार माणूस एकाच वेळी पाहायला मिळालं. कलाकाराच्या कलेचा सन्मान करत त्यांनी शिल्पकाराकडून बैलजोडीची प्रतिकृती विकत घेतली.

वृद्ध शिल्पकाराकडून 8 हजार रुपयांत ही बैल जोडीच्या प्रतिकृतीची खरेदी केली, वृद्ध शिल्पकार शिरूभाऊ कासार, हे सकाळपासूनच अजिंठा विश्रामगृहात संजय राऊत यांच्या भेटीसाठी थांबून होते.

संजय राऊत यांनी जळगाव दौऱ्यादरम्यान सर्जा-राजा या बैलजोडीची प्रतिमा खरेदी केली, राऊत हे अजिंठा विश्रामगृहातून निघत असताना त्यांनी ही प्रतिमा विकत घेतली.

वृद्ध शिल्पकार शिरूभाऊ कासार हे सकाळपासूनच प्रतिमा विक्रीसाठी विश्रामगृहात थांबले होते. राऊत यांनी त्यांच्या हातातील बैलजोडीची प्रतिमा पाहून वाहनातून उतरून त्यांची विचारपूस केली.

या बैलजोडीची किंमत विचारल्यानंतर शिल्पकाराने साडेआठ हजार रुपये सांगितले, मात्र “तुम्ही 500 रुपये कमी द्या” असे म्हणत त्यांनी सवलत दिली.

Continues below advertisement

राऊत यांनीही आपल्या खिशातून 500 च्या नोटांचा बंडल काढला आणि 8 हजार रुपये देऊन बैलजोडीची प्रतिमा खरेदी केली. त्यावेळी, सारेच अवाक झाले होते.

बैलजोडीची ही प्रतिमा लाकडी असून त्यावरील बैलांच्या आकृती सिरॅमिक पावडरपासून तयार करण्यात आल्या आहेत. प्रतिमा विकल्यानंतर शिल्पकार कासार यांच्या चेहऱ्यावर समाधानाचे भाव दिसून आले.

दरम्यान, संजय राऊतांना धन्यवाद देत ते वाकून नमस्कार करु लागले. त्यामुळे, हा क्षण काहीसा भावुक झाला होता.