संजय बांगरांच्या मतदारसंघात भव्य कावड यात्रा, श्रावण महिन्यात भाविकांचा मोठा उत्साह; यात्रेला गर्दी किती?

हिंगोली जिल्ह्यातील कळमनुरी मतदारसंघात आमदार संतोष बांगर यांचे नेतृत्वामध्ये आज भव्य कावड यात्रा काढण्यात आली.

Santosh Bangar Hingoli kawad yatra Aundh Nagnath Mandir

हिंगोली जिल्ह्यातील कळमनुरी मतदारसंघात आमदार संतोष बांगर यांचे नेतृत्वामध्ये आज भव्य कावड यात्रा काढण्यात आली.

कळमनुरी शहरातील चिंचाळेश्वर महादेव मंदिरात पूजा झाल्यानंतर ही कावड यात्रा हिंगोलीच्या दिशेने निघाली, या कावड यात्रेमध्ये मोठ्या प्रमाणात शिवभक्त सहभागी झाले आहेत.

कावड यात्रेच्या गर्दीत चालताना भाविकांचा उत्साह दिसून येत आहे, मोठ्या संख्येनं भाविक यात्रेत सहभागी झाले होते, या गर्दीचा संख्या अंदाजे सांगता येणार नाही. मात्र, मोठी गर्दी कावड यात्रेत दिसून आली.

आमदार संजय बांगर यांच्या नेृतत्वात दरवर्षी येथील कावड यात्रेत मोठ्या संख्येनं भाविक सहभागी होतात, त्या माध्यमातून बांगर शक्तिप्रदर्शनही करतात

यंदाच्या कावड यात्रेतही रस्त्यावरुन चालताना भाविकांची मोठी संख्या दिसून आली, तर रस्त्याच्या दुतर्फा इमारतीवरुनही लोक कावड यात्रा पाहून दर्शन घेत होते.

Continues below advertisement

देशभरात श्रावण महिन्याचा उत्साह पाहायला मिळत असून भाविकांमध्ये आनंदाचे आणि श्रद्धेचे वातावरण पाहायला मिळत आहे. सर्वच शिवमंदिरात भाविकांची मोठी गर्दी आहे.

आज दुसरा श्रावण सोमवार असल्याने बारा ज्योतिर्लिंगांपैकी आठवे ज्योतिर्लिंग असलेल्या हिंगोलीच्या औंढा नागनाथ मंदिरात भाविकांची मोठी गर्दी झाली आहे.

प्रभू नागनाथाच्या दर्शनासाठी देशभरातून भाविक औंढा नागनाथ येथे दाखल झाले आहेत, रात्री दोन वाजता प्रशासकीय महापूजा पार पडल्यानंतर मंदिर भाविकांच्या दर्शनासाठी खुले करण्यात आले.

रात्रीपासूनच दर्शनासाठी भाविकांच्या लांबच लांब रांगा लागल्या आहेत. ‘हर हर महादेव’, ‘बम बम भोले’च्या जयघोषाने संपूर्ण मंदिर परिसर दुमदुमून गेला आहे.