मोठी बातमी : युती होण्याआधीच राज ठाकरे अन् उद्धव ठाकरेंचे कार्यकर्ते आले एकत्र; नेमकं कारण काय?

Raj Thackeray and Uddhav Thackeray : एकीकडे राज ठाकरे आणि उद्धव ठाकरे एकत्र येण्याच्या चर्चा गेल्या काही दिवसांपासून रंगली आहेत. आता शिवसेना आणि मनसेचे कार्यकर्ते एकत्र आल्याचे दिसून आले आहे.

Raj Thackeray and Uddhav Thackeray

डोंबिवलीमधील पलावा पुलाचे काम अत्यंत संथगतीने सुरू आहे.

या पुलाच्या कामावरून शिवसेना ठाकरे गट आणि मनसे आक्रमक झाल्याचे दिसून आले.

मनसेकडून बॅनरबाजी करत सत्ताधाऱ्यांवर टीका करण्यात आली आहे.

गिनीज बुक ऑफ वर्ल्ड रेकॉर्डमध्ये संथ कामाबाबत नोंद झाल्याचा टोला मारत अभिनंदनाचे बॅनर लावण्यात आले आहेत.

तर ठाकरेंच्या शिवसेनेने देखील शीळ रोड परिसरात आंदोलनाचा इशारा दिला आहे.

गेल्या काही दिवसांपासून शिवसेना आणि मनसे युतीच्या चर्चांना राजकीय वर्तुळात उधाण आले आहे.

मात्र, शिवसेना मनसे युतीआधीच राज ठाकरे आणि उद्धव ठाकरे यांचे कार्यकर्ते एकत्र आले आहे.

डोंबिवलीत पलावा पुलासाठी ठाकरेंची शिवसेना आणि मनसे एकत्र आल्याचे पाहायला मिळाले.

पलावा पुलाच्या कामावरून शिवसेना आणि मनसेकडून एकत्र आंदोलन करण्यात आले.

आता आंदोलनाची सध्या जोरदार चर्चा राजकीय वर्तुळात रंगली आहे.