Rajya Sabha Election 2026: राज्यसभेची उमेदवारी मिळताच राजेंद्र जैनांच्या आईला प्रफुल पटेलांच्या पत्नीने दिली गोड बातमी, म्हणाल्या, 'आपके दो-दो बेटे खासदार बन गये!'

Praful Patels wife Varsha Patel gave good news to Rajendra Jains mother after nominated for Rajya Sabha from ncp said Your two sons have become MP marathi news

Rajya Sabha Election 2026

Rajya Sabha Election 2026: सुनेत्रा पवार यांच्या राजीनाम्यामुळे रिक्त झालेल्या राज्यसभेच्या जागेवर प्रफुल पटेल यांचे निकटवर्तीय राजेंद्र जैन यांची वर्णी लागली आहे. शेवटच्या क्षणापर्यंत राज्यसभेच्या या जागेसाठी छगन भुजबळ (Chhagan Bhujbal) यांचे नाव पक्के मानले जात होते. मात्र, रविवारी रात्री मुंबईत पार पडलेल्या राष्ट्रवादी काँग्रेसच्या (NCP) कोअर कमिटीच्या बैठकीत अनपेक्षितपणे राजेंद्र जैन यांचे नाव समोर येऊन त्यांच्या राज्यसभेच्या उमेदवारीवर शिक्कामोर्तब होताच राजकीय वर्तुळाला काहीसा आश्चर्याचा धक्का बसला.

छगन भुजबळ यांनी आपले पुतणे समीर भुजबळ (Sameer Bhujbal) यांचा राज्य मंत्रिमंडळात समावेश करावा, अशी अट ठेवली होती. हीच अट छगन भुजबळ यांच्या दिल्लीत राज्यसभेवर (Rajya Sabha Election 2026)जाण्याच्या मार्गातील धोंडा ठरल्याचे सांगितले जाते. त्यामुळे अगदी शेवटच्या क्षणी राष्ट्रवादी काँग्रेसचे ज्येष्ठ नेते प्रफुल पटेल यांचे अत्यंत विश्वासू मानले जाणारे राजेंद्र जैन यांना राज्यसभेची उमेदवारी देण्यात आली. (Maharashtra Politics News)

दुसरीकडे, राजेंद्र जैन यांची राज्यसभेसाठी निवड झाल्यानंतर राजकीय वर्तुळात सुनील तटकरे आणि प्रफुल पटकरे या जोडगोळीच्या अजूनही कायम असलेल्या वर्चस्वाची चर्चा रंगली आहे. तर राजेंद्र जैन यांची राज्यसभेसाठी निवड झाल्यानंतर त्यांच्या राहत्या घरीही आनंदाच वातावरण असून आनंद व्यक्त केला जात आहे.

'माताजी आपके दो-दो बेटे खासदार बन गये' असं म्हणत प्रफुल पटेल यांच्या पत्नी वर्षा पटेल यांनी राजेंद्र जैन यांच्या आईला या संदर्भात गोड बातमी दिली आहे.

राजेंद्र जैन यांना राज्यसभेची उमेदवारी मिळाल्यानंतर गोंदियात जल्लोष करण्यात येत असून वर्षा पटेल यांनी जैन कुटुंबीयांची भेट घेतली.

राष्ट्रवादीकडून राज्यसभेची उमेदवारी प्रफुल पटेल यांचे निकटवर्ती असलेले राजेंद्र जैन यांना देण्यात आली त्यानंतर प्रफुल पटेल यांच्या पत्नी वर्षा पटेल यांनी राजेंद्र यांच्या घरी भेट देत राजेंद्र जैन यांच्या आईला "आपके दो दो बेटे खासदार बन गये.." म्हणत आनंद व्यक्त केला.