PM Modi and Nana Patole: मी मोदींचं भाषण मोबाईलवर ऐकत होतो, अनेकजण त्यांना 'फेकू' बोलत होते; नाना पटोलेंची बोचरी टीका

PM Modi speech on Womens Reservation Bill: पंतप्रधान मोदी यांनी शनिवारी देशवासियांना उद्देशून भाषण केले. या भाषणात त्यांनी संसदेत महिला आरक्षण विधेयक मंजूर न झाल्याबद्दल संताप व्यक्त केला.

PM Modi speech on Women's Reservation Bill

पंतप्रधान नरेंद्र मोदी यांनी शनिवारी रात्री महिला आरक्षण विधेयकाच्या मुद्द्यावरुन देशवासियांना संबोधित केले. या भाषणात नरेंद्र मोदी यांनी काँग्रेसवर सडकून टीका केली. या टीकेला काँग्रेसचे नेते नाना पटोले यांनी प्रत्युत्तर दिले आहे. 1

पंतप्रधान हे देशाला जेव्हा संबोधन करतात तेव्हा देश हितासाठी किंवा संकट आल्यावर बोलतात असं मला आजवर माहीत होते. मात्र, 2014 पासून तर आजच्या देखील भाषणात मोदींनी 150 पेक्षा अधिक वेळा काँग्रेसचे नाव घेतलं. 56 इंचांची छाती असणाऱ्या मोदींना काँग्रेसची एवढी भीती का वाटते, असा सवाल नाना पटोले यांनी उपस्थित केला.

मोदी बोलत असताना मी मोबाईलवर पाहत होतो. अनेक लोक त्यांना फेकू आणि मी बोलू शकत नाही अशा भाषेत त्यांच्यावर टीका करत होते, असे पटोले यांनी म्हटले.

देशाचा पंतप्रधान वारंवार खोट बोलत असल्याने त्यांच्यावर देशातील जनतेचा विश्वास राहिला नाही. 2023 साली महिला आरक्षण बिल आणल्यावर सर्व विरोधी पक्षांनी त्याला सपोर्ट केला आणि मंजूर झाला होता. त्यावेळी त्यांनी सांगितलं होते की, 2024 मध्ये आम्ही जनगणना करु, त्यानंतर मतदारसंघांची रचना करण्यात येईल, असं सांगितले. आता 2026 साल उजाडले आहे, याकडे नाना पटोले यांनी लक्ष वेधण्याचा प्रयत्न केला.

राहुल गांधीच्या दबावामुळे यांना जनगणना मान्य करावी लागली. आता जनगणना सुरू झाली. त्यामध्ये ओबीसीचा कॉलम नाही. यावरून देशाचे पंतप्रधान बहुजनांच्या विरोधात आहे हे दिसून येते, अशी टीका नाना पटोले यांनी केली.

Continues below advertisement

नारीशक्तीला नमन करून नाव मोठं ठेवायचं आणि मणिपूरमध्ये महिलांचं वस्त्रहरण झालं होतं, त्यावर पंतप्रधान बोलायला तयार नाहीत.

लोकसभा निवडणुकीत भाजपने 10 टक्के महिलांना तिकीट दिलं तर काँग्रेसने 13% महिलांना तिकीट दिले होते. भाजपाला महिला नको आहेत, आम्ही महिलांचा सन्मान केला आहे, असा दावा नाना पटोले यांनी केला.

हे नारीशक्तीला नमन नव्हतं तर खुर्चीसाठी नमन होतं. यांचा मूळ पक्ष भाजप नव्हे तर राष्ट्रीय स्वयंसेवक संघ आहे. टेलिप्रॉम्टर समोर येऊन केलेलं भाषण हे देशांच्या महिलांसाठी नव्हे तर सत्ता टिकवण्यासाठी आणि मनूवादी व्यवस्था प्रस्थापित करण्याचा प्रयत्न होता, अशी टीका नाना पटोले यांनी केली.

बहुजन ,दलितांसह सर्वसमावेशक यामध्ये काय तरतूद केली जाणार याबद्दल स्पष्ट सांगा आम्ही देखील याला समर्थन देऊ. बहुजनांना न्याय मिळावा ही भूमिका राहुल गांधींनी नेहमी मांडली आहे.. या लोकांना देश कधी माफ करणार नाही आणि बहुजनांची महिला यांना यांची जागा दाखवल्याशिवाय राहणार नाही. तुम्ही डोळ्यातून अश्रू आणू शकला असता, पण सुदैवाने आज रडला नाहीत. तुम्ही कितीही नौटंकी केली तरी तुमचा नकलीपणा देशाच्या जनतेसमोर आला आहे, अशा शब्दांत नाना पटोले यांनी पंतप्रधान मोदींना लक्ष्य केले.