Nirmala Nawale : अजितदादा की दिलीप वळसे पाटील कोणत्या नेत्याचं काम जास्त आवडतं? कारेगावच्या सरपंच मॅडमचं थेट उत्तर

Nirmala Nawale : अजितदादा की दिलीप वळसे पाटील कोणत्या नेत्याचं काम जास्त आवडतं? कारेगावच्या सरपंच मॅडमचं थेट उत्तर

Photo Credit - abp majha reporter

Nirmala Nawale : अजित पवारांच्या राष्ट्रवादीच्या नेत्या आणि पुणे जिल्ह्यातील कारेगावच्या सरपंच निर्मला नवले या सोशल मीडियावर तुफान चर्चेत असतात.

कारेगावच्या सरपंच म्हणून जबाबदारी सांभाळत असतानाच निर्मला नवले या राष्ट्रवादी काँग्रेसमध्ये देखील सक्रिय आहेत.

राष्ट्रवादीच्या कार्यकर्ता शिबिरांमध्ये आणि सभांमध्ये त्या उपस्थित असलेल्याही पाहायला मिळाल्या आहेत.

अनेकदा पक्षाच्या प्रचारासाठी त्यांनी स्टेजवरुन भाषणं केलेलंही पाहायला मिळालं.

दरम्यान, महिला दिनाच्या निमित्ताने त्यांनी एका वृत्तपत्राला मुलाखत दिली.

यावेळी त्यांना उपमुख्यमंत्री अजित पवार आणि राष्ट्रवादीचे ज्येष्ठे नेते दिलीप वळसे पाटील यांपैकी कोणाचं काम आवडतं? असा प्रश्न विचारण्यात आला होता.

या प्रश्नाला उत्तर देताना निर्मला नवले म्हणाल्या, अजितदादा पवार हे माझे प्रेरणास्थान आहेत, तर दिलीप वळसे पाटील साहेब माझे आदरस्थान आहे.

या दोन्ही नेत्यांच्या माध्यमातून मला काम करण्याची संधी मिळाली आहे, अशी प्रतिक्रिया निर्मला नवले यांनी दिलीये.

त्यामुळे दोन्ही नेत्यांपैकी एक नेता निवडण्यास निर्मला नवले यांनी टाळल्याचं पाहायला मिळालं.

मात्र, अजित पवारांच्या राष्ट्रवादीत त्या सातत्याने सक्रिय असल्याच्या पाहायला मिळाल्या आहेत.