मनोज जरांगे पाटलांसोबत मोठा ताफा; पाडळशिंगी टोल नाक्यावर गाड्याच गाड्या, मराठा बांधवांकडून घोषणाबाजी

मराठा आंदोलक मनोज जरांगे पाटील यांच्या मागण्या सरकारकडून मान्य न झाल्याने मनोज जरांगे पाटील यांनी आपला मोर्चा मुंबईकडे वळवला आहे.

Manoj Jarange beed rally to mumbai

मराठा आंदोलक मनोज जरांगे पाटील यांच्या मागण्या सरकारकडून मान्य न झाल्याने मनोज जरांगे पाटील यांनी आपला मोर्चा मुंबईकडे वळवला आहे.

अंतरवाली सराटीतील आपले उपोषण सुरुच ठेऊन ते रुग्णवाहिका आणि दोन गाड्यांसह मुंबईकडे निघाले आहेत. मात्र, त्यांच्या सोबतीला मोठ्या संख्येने मराठा बांधव सहभागी होत आहेत.

मुंबई पोलिसांनी जरांगे पाटलांना मुंबईत आंदोलनाची परवानगी नाकारली आहे, तरीही ते आपल्या आंदोलनावर ठाम आहेत. त्यामुळेच, ते मुंबईकडे रवाना झाले आहेत.

जरांगे पाटलांचा पहिला मुक्काम बीड जिल्ह्यातील पाटोद्यात होणार असून मनोज जरांगे पाटील यांच्या स्वागताची जय्यत तयारी पाटोद्यात करण्यात आलीय.

मांजरसुंबा ते पाटोदा दरम्यान 14 तर पाटोदा शहरात 11 मोठे अन्नछत्र उभारण्यात आले असून 25 ठिकाणी पार्किंगची व्यवस्था झाली आहे.

मनोज जरांगे पाटील यांचा ताफा मुंबईकडे मार्गस्थ झाला असून बीड जिल्ह्यात ठिकठिकाणी त्यांचं जल्लोषात स्वागत होत आहे. याच ताफ्यात मोठ्या संख्येने मनोज जरांगे समर्थक सहभागी झाले आहेत

बीड जिल्ह्यातील गेवराई येथे हाच ताफा दाखल झाला असताना ताफ्याची ड्रोन दृश्य व्हायरल झाली आहेत. येथे मोठ्या संख्येने मराठा बांधव दिसून येत आहेत.

आता, रात्रीची काही दृश्ये समोर आली असून गेवराई जवळील पाडळसिंगी टोल नाक्यावर मोठ्या संख्येने मराठा बांधव दिसत आहेत.

आता, रात्रीची काही दृश्ये समोर आली असून गेवराई जवळील पाडळसिंगी टोल नाक्यावर मोठ्या संख्येने मराठा बांधव दिसत आहेत.