International Yoga Day 2026: देशभरात योग दिनाचा उत्साह; 'योगाची शक्ती संपूर्ण जगाला जोडत आहे', आंतरराष्ट्रीय योग दिनानिमित्त बंगालच्या भूमीतून पंतप्रधान मोदींचा संदेश

International Yoga Day: देशभरात 12 व्या आंतरराष्ट्रीय योग दिनाच्या निमित्याने सर्वत्र मोठा उत्साह बघायला मिळत आहे. यादरम्यान पंतप्रधान नरेंद्र मोदी कोलकता येथील योग दिनाच्या कार्यक्रमात सहभागी झाले.

International Yoga Day 2026:

International Yoga Day 2026:देशभरात 12 व्या आंतरराष्ट्रीय योग दिनाच्या निमित्याने सर्वत्र मोठा उत्साह बघायला मिळत आहे. यादरम्यान भारताचे पंतप्रधान नरेंद्र मोदी कोलकता येथील योग दिनाच्या कार्यक्रमात सहभागी झाले. पंतप्रधान नरेंद्र मोदी 35 हजार लोकांसोबत योगा करत आहेत. पश्चिम बंगालचे राज्यपाल, मुख्यमंत्री आणि काही मंत्रीही या योग दिनाच्या कार्यक्रमात उपस्थित आहेत.

योगा फॉर हेल्दी एजिंग ही यंदाची थीम आहे.  योग दिनाच्या निमित्ताने आज बंगालमध्ये असणे हे विशेष आहे. ही ती भूमी आहे जिथे भगवान रामकृष्ण परमहंस यांच्यासारख्या सिद्ध संतांनी अवतार घेतला. येथूनच स्वामी विवेकानंदांनी संपूर्ण जगाला योगाची ओळख करून दिली. योग हा केवळ शारीरिक श्रम नसल्याचेही मोठे विधान यादरम्यान नरेंद्र मोदी यांनी केले.

पंतप्रधान नरेंद्र मोदी यांनी रविवारी (२१ जून, २०२६) सकाळी कोलकाता येथील रेड रोडवर आयोजित १२ व्या आंतरराष्ट्रीय योग दिनाच्या मुख्य कार्यक्रमात राष्ट्राचे नेतृत्व केले. राष्ट्राला संबोधित करताना पंतप्रधान मोदी म्हणाले की, संपूर्ण जग आणि संपूर्ण देश एकमेकांशी जोडलेले आहेत आणि हीच योगाची शक्ती आहे. योग सर्वांना जोडतो. आपल्या भाषणात पंतप्रधान मोदी म्हणाले की, पृथ्वीच्या काही भागांमध्ये २१ जून हा वर्षातील सर्वात मोठा दिवस असतो आणि आंतरराष्ट्रीय योग दिनामुळे २१ जून हा जगातील सर्वात मोठ्या सामूहिक उत्सवाचा दिवस बनला आहे.

तर दुसरीकडे, मुंबईतील जुहू बीचवर आंतरराष्ट्रीय योग दिनानिमित्त भव्य योगोत्सवाचं आयोजन करण्यात आलं आहे. मुख्यमंत्री देवेंद्र फडणवीस यांच्या उपस्थितीत होणाऱ्या या कार्यक्रमाचं आयोजन खासदार रविंद्र वायकर आणि आमदार अमित साटम यांनी केलं आहे.

योग ही आपली अतिशय प्राचीन चिकित्सक पध्दती आहे. पंतप्रधान यांनी युनायटेड नेशनमध्ये योगा दिन साजरा झाला पाहिजे, याला कोणीही विरोध केला नाही. सगळीकडे योग सुरू आहेत. शरीर मन आत्मा याचा विचार एकात्म केलेला आहे. योग विद्येच्या माध्यमातून कनेक्ट हा रिकनेक्ट करण्याचा प्रयत्न करतो. आपण सर्व जण निरोगी राहूया, असेही मुख्यमंत्री देवेंद्र फडणवीस म्हणाले.

Continues below advertisement

देशाचे पंतप्रधान नरेंद्र मोदी यांनी रविवारी कोलकाता येथे 12 व्या आंतरराष्ट्रीय योग दिनाच्या सोहळ्यात सहभाग घेतला. ते म्हणाले, "आपण वयाच्या विशीत होतो, त्यापेक्षा चाळीशीत अधिक लवचिक आणि तिशीपेक्षा पन्नाशीत अधिक उत्साही असावे, हे आपले ध्येय असले पाहिजे." असेही पंतप्रधान नरेंद्र मोदी म्हणाले.

पंतप्रधान म्हणाले की, योग हा लोकांना, देशांना आणि संस्कृतींना जोडणारा जगातील सर्वात मोठा सामुदायिक उत्सव बनला आहे. त्यांनी नमूद केले की, पृथ्वीवरील सर्वात मोठा दिवस मानला जाणारा 21 जून हा दिवस आता जगभरात योग दिन म्हणून साजरा केला जातो.

12 व्या आंतरराष्ट्रीय योग दिनाची संकल्पना 'निरोगी वृद्धत्वासाठी योग' ही आहे. या संकल्पनेचा उद्देश हे अधोरेखित करणे आहे की, योग हे केवळ तंदुरुस्तीचे साधन नाही, तर वाढत्या वयानुसार चांगले शारीरिक, मानसिक आणि भावनिक आरोग्य राखण्याचा एक मार्ग देखील आहे.

कोलकात्यातील याच रेड रोडवर काही महिन्यांपूर्वी नमाज पडल्या जात होती आणि त्यामुळे हा संपूर्ण रोड वाहतुकीसाठी बंद केल्या जात होता. मात्र आता याच रेड रोडवर योग साधना झाली व ओमकार गुंज झाली त्यामुळे आम्ही मोदीजींचे धन्यवाद मानतो, अशा महत्त्वाच्या प्रतिक्रिया नागरिकांनी दिले आहेत.