Devendra Fadnavis: देवेंद्र फडणवीसांची बुलेटवरून 'रॉयल' एन्ट्री; दुचाकीवरून गाठले विधान भवन, PHOTO

Devendra Fadnavis: पंतप्रधान नरेंद्र मोदी यांनी नुकतेच देशवासीयांना इंधन बचतीचे आवाहन केले होते. त्याला प्रतिसाद म्हणून मुख्यमंत्री देवेंद्र फडणवीस हे थेट दुचाकीवरून विधान भवनात दाखल झाले.

Devendra Fadnavis

मुख्यमंत्री देवेंद्र फडणवीस आणि सांस्कृतिक कार्यमंत्री आशिष शेलार यांनी थेट दुचाकीवरून विधान भवन गाठल्याने सर्वांच्या नजरा त्यांच्याकडे वळल्या.

पंतप्रधान नरेंद्र मोदी यांनी नुकतेच देशवासीयांना इंधन बचतीचे आवाहन केले होते, त्याला प्रतिसाद म्हणून मुख्यमंत्र्यांनी हे पाऊल उचलले.

मुख्यमंत्री फडणवीस स्वतः 'रॉयल एनफिल्ड ३५०' ही बाईक चालवत विधान भवनात दाखल झाले.

मुख्यमंत्र्यांच्या सोबत सांस्कृतिक कार्यमंत्री आशिष शेलार हे देखील दुचाकीवरून या प्रवासात सहभागी झाले होते.

विशेष म्हणजे केवळ मुख्यमंत्रीच नव्हे, तर त्यांच्या सुरक्षेसाठी तैनात असलेला ताफादेखील यावेळी दुचाकीवरूनच प्रवास करताना दिसला.

सध्या अनेक मंत्री आणि आमदार इलेक्ट्रिक वाहनांकडे वळत असताना, मुख्यमंत्र्यांनी दुचाकीचा वापर करून एक नवा पर्याय समोर ठेवला आहे.

मुंबईतील वाढती वाहतूक कोंडी आणि इंधनाचा अपव्यय टाळण्यासाठी दुचाकीचा वापर करणे हा प्रभावी मार्ग असल्याचे या कृतीतून सुचवण्यात आले.

राज्याच्या सर्वोच्च पदावरील व्यक्तीने अशा प्रकारे साध्या पद्धतीने प्रवास केल्याने सामान्य नागरिकांमध्ये इंधन बचतीबाबत सकारात्मक संदेश दिला गेल्याचे बोलले जात आहे.

कडेकोट सुरक्षा व्यवस्था असूनही मुख्यमंत्र्यांनी अत्यंत साध्या पद्धतीने, हेल्मेट घालून आणि नियमांचे पालन करत हा प्रवास पूर्ण केला.

मुख्यमंत्र्यांच्या या 'रॉयल' एन्ट्रीचे फोटो आणि व्हिडिओ सध्या सोशल मीडियावर तुफान व्हायरल होत असून राजकीय वर्तुळात चर्चांना उधाण आले आहे.