Chhagan Bhujbal on Rajya Sabha Election 2026: पहिले लांब दिसले, मग राजेंद्र जैन यांच्या जवळ उभे राहिले; बाहेर येताच छगन भुजबळांची शेरोशायरी, राज्यसभेच्या उमेदवारीवरुन डावलल्यानंतर काय काय बोलले?

Chhagan Bhujbal on Rajya Sabha Election 2026: राजेंद्र जैन यांनी राष्ट्रवादी काँग्रेसच्या प्रमुख नेत्यांच्या उपस्थितीत विधिमंडळात जाऊन राज्यसभा निवडणुकीसाठीचा उमेदवार अर्ज दाखल केलाय.

Chhagan Bhujbal on Rajya Sabha Election 2026

सुनेत्रा पवार यांनी राजीनामा दिल्यामुळे रिक्त झालेल्या राज्यसभेच्या जागेवर आपली वर्णी लागेल अशी आशा छगन भुजबळ बाळगून होते; मात्र पक्षाने त्यांना डावलल्याने ते नाराज असल्याची जोरदार चर्चा आहे.

राष्ट्रवादी काँग्रेस पक्षाने सर्वांना धक्का देत रविवारी प्रफुल पटेल यांचे निकटवर्तीय मानले जाणारे माजी आमदार राजेंद्र जैन यांच्या नावाची उमेदवारी जाहीर केली.

पक्षाच्या निर्णयानुसार राजेंद्र जैन यांनी सोमवारी राष्ट्रवादी काँग्रेसच्या प्रमुख नेत्यांच्या उपस्थितीत विधिमंडळात जाऊन राज्यसभा निवडणुकीसाठीचा आपला उमेदवारी अर्ज भरला.

राजेंद्र जैन यांचा फॉर्म भरताना छगन भुजबळ हे सुरुवातीला काहीसे लांब उभे असल्याचे दिसले, मात्र नंतर ते राजेंद्र जैन यांच्या अगदी जवळ येऊन उभे राहिले आणि प्रक्रियेत सहभागी झाले.

अर्ज भरून बाहेर येताच छगन भुजबळ यांनी प्रसारमाध्यमांशी बोलताना स्वतःच्या शैलीत शेरोशायरी केली. ते म्हणाले, "हम कबड्डी के खिलाडी है, शतरंज के नहीं."

लोकसभेवर, राज्यसभेवर मला जायचं होतं अनेकवेळा संधी आली मात्र ते झालं नाही. ज्या प्रकारे तटकरे पवार कुटुंबाला नियम लागू करण्यात आला होता. तो आम्हाला का नाही? असा सवाल आम्ही उपस्थित केला होता, अशी माहिती देखील छगन भुजबळ यांनी दिली.

तर भाजपने समीर भुजबळ यांच्या मंत्रीपदाला नकारला दिला असं काही नाही.

ज्यावेळी मंत्रिमंडळ विस्तार होईल त्यावेळी संधी देऊ, असं भाजपकडून सांगण्यात आल्याचे देखील भुजबळ म्हणाले.

उमेदवारी अर्ज दाखल केल्यानंतर राजेंद्र जैन यांनी छगन भुजबळ हे माझ्या वडिलांसारखे असून, मी त्यांच्या मुलाप्रमाणे काम करणार आहे, अशा शब्दांत भुजबळांचा आदर राखला.

पक्षात या उमेदवारीवरून कोणतीही नाराजी नसल्याचा दावा जैन यांनी केला असून, वरिष्ठ नेत्यांनी चर्चा करूनच एका सामान्य कार्यकर्त्याला राज्यसभेवर जाण्याची सुवर्णसंधी दिली असल्याचे त्यांनी स्पष्ट केले.