मराठवाड्याच्या दाजींची नाद खुळा धुळवड, फुटले रंगांचे सिलेंडर; सदाबहार गाण्यांवर धरला ठेका, पाहा फोटो

राजकारणातील दिलखुलास व्यक्तीमत्व आणि सोशल मीडियावर दाजी नावाने परिचीत असलेल्या रावसाहेब दावनेंचा अंदाज नेहमीच वेगळा असतो.

Raosaheb danve celebrate holi dhulwad bhokardan

राजकारणातील दिलखुलास व्यक्तीमत्व आणि सोशल मीडियावर दाजी नावाने परिचीत असलेल्या रावसाहेब दावनेंचा अंदाज नेहमीच वेगळा असतो.

आपल्या कार्यकर्त्यांसोबत कधी शेतात जेवणाची पंगत असो किंवा कुठं विमानतळावर बालपणीच्या मित्राच्या गळ्यात गळा घालूनचे फोटोही रावसाहेब दानवेंचे व्हायरल होतात.

आता, भाजप नेते तथा माजी केंद्रीय मंत्री रावसाहेब दानवे यांनी आज भोकरदन येथील आपल्या निवासस्थानी शहरासह ग्रामीण भागातून आलेल्या कार्यकर्त्यांसोबत रंगाची उधळण केली.

गावाकडे रंगपंचमी दिवशी रंगांची उधळण करत सेलिब्रेशन केले जाते. मात्र, गत काही वर्षात धुळवडीदिवशीच रंगांची उधळण करत जोरदार सेलीब्रेशन केलं.

दानवेंनी आज धुळवडीचा मुहूर्त साधत मोठ्या उत्साहात रंगपंचमी साजरी केली, यावेळी दानवे यांनी स्वतः रंगाच्या स्प्रे चा मारा कार्यकर्त्यांवर केला.

रावसाहेब दानवेंच्या बंगल्यात अनेक रंगीबेरंगी रंगांचे सिलेंडर फुटल्याचं पाहायला मिळालं. विशेष म्हणजे रावसाहेब दावने स्वत: हे गुलाबी, पिवळ्या रंगांचे सिलेंडर फोडताना दिसून आले.

रावसाहेब दानवेंच्या कार्यकर्त्यांनी त्यांच्यावरील प्रेमासाठी एक भन्नाट गाणंही गायलं. त्यावेळी, स्वतः रावसाहेब दानवे यांनी त्यांच्यासोबत खंजिरी वाजवत गाण्याचा मनमुराद आनंद घेतला.

दिल्लीला वाढवलंय, या जालना जिल्ह्याच्या वाघानं, दिल्लीला वाढवलंय, या भोकरदनच्या वाघाने अशा पहाडी आवाजात गाण्याची मैफीलही जमली होती.