Amit Shah in Pune: 'Go-Back हुकूमशाह, शिक्षण मागितलं होतं शिक्षा नाही...' पुण्यात अमित शाहांच्या दौऱ्यावेळी बॅनरबाजी

Amit Shah: देशाचे केंद्रीय गृहमंत्री अमित शाह हे आज एका कार्यक्रमाच्यानिमित्ताने पुण्यात दाखल झाले आहेत. मात्र त्यांच्या या दौऱ्याला काँग्रेस, वंचित शिवसेना ठाकरे गटाकडून जोरदार विरोध केला जात आहे.

Amit Shah in Pune

Amit Shah in Pune: देशाचे केंद्रीय गृहमंत्री अमित शाह हे आज (शनिवारी) एका कार्यक्रमाच्यानिमित्ताने पुण्यात दाखल झाले आहेत. मात्र नुकत्याच दिल्लीत झालेल्या विद्यार्थी आंदोलनाच्या पार्श्वभूमीवर पुण्यात आलेल्या अमित शाह (Amit Shah) यांना काँग्रेस, वंचित शिवसेना ठाकरे गटाकडून जोरदार विरोध केला जात आहे. दरम्यान, या पार्श्वभूमीवर पुणे पोलिसांनी मोठा पोलीस बंदोबस्त तैनात केला आहे. तर दुसरीकडे अमित शाह यांच्या दौऱ्यापूर्वी म्हणजे काल रात्रीपासूनच जोरदार कारवाई पोलिसांनी (Pune Police) युवक काँग्रेस (Congress) आणि काँग्रेसचे प्रमुख पदाधिकारी आणि कार्यकर्त्यांना पकडण्याचा सपाटा लावला होता. (Maharashtra Politics news)

पोलिसांनी केलेल्या कारवाईनंतर देखील पुण्यात काँग्रेसकडून (Congress) काळे फुगे सोडत अमित शाहांच्या विरोधात घोषणाबाजी केली जात आहे.'अमित शाहा गो बॅक' असं या काळ्या फुग्यांवर लिहिलंय. मात्र हे फुगे पुढे जाऊन झाडावर अडकले आहेत.

दरम्यान, काँग्रेसच्या कार्यकर्त्यांनी अमित शाहांच्या फोटोला काळं फासण्याचा देखील प्रयत्न केलाय. तर विविध आशयाचे पोस्टर घेऊन अमित शाहांच्या पुणे दौऱ्यात विरोध होतांना दिसतो आहे.

एकीकडे पुण्यातील अनेक कॉंग्रेस कार्यकर्त्यांना घरातुन ताब्यात घेण्यात येतंय. तर पुण्यातील येरवडा भागातुन काही कार्यकर्त्यांना देखील ताब्यात घेण्यात आल्याची माहिती आहे.

अमित शाहा यांच्या दौऱ्यापूर्वी काँग्रेसच्या कार्यकर्त्यांवर पोलिसांनी कारवाई केली आहे. यात काँग्रेस कार्यकर्ता राहुल शिरसाट याला देखील पोलिसांनी घरातून ताब्यात घेतले. तर शिवसेना उबाठा शहर प्रमुख वसंत मोरे यांना देखील पोलिसांनी ताब्यात घेतलंय.

Continues below advertisement

केंद्रीय गृहमंत्री अमित शाह हे सध्या कार्यक्रम स्थळी पोहचले आहेत. अमित शाहा यांच्या हस्ते लोकमान्य टिळक राष्ट्रीय पुरस्काराचे वितरण सोहळा संपन्न होत आहे. यावेळी राष्ट्रीय सुरक्षा सल्लागार अजित डोवाल यांना लोकमान्य टिळक राष्ट्रीय पुरस्कार देण्यात येणार आहे.

पुण्यात महाराष्ट्र मंडळ स्वारगेटच्या महर्षी नगर येथील मैदानावर हा कार्यक्रम पार पडणार आहे. यावेळी, मुख्यमंत्री देवेंद्र फडणवीस उपमुख्यमंत्री एकनाथ शिंदे,उपमुख्यमंत्री सुनेत्रा पवार यांच्यासह अनेक जण पुरस्काराला उपस्थितीत आहेत.