Amit Shah At Ajit Pawar Funeral Baramati: अजित पवारांच्या विमानाचा अपघात झालेल्या बारामती विमानतळावर अमित शाह उतरले; नेमकं काय केलं?

Amit Shah At Ajit Pawar Funeral Baramati: अजित पवारांच्या अंत्यसंस्कारासाठी देशभरातील अनेक दिग्गज बारामतीमध्ये दाखल झाले आहेत.

Amit Shah At Ajit Pawar Funeral Baramati

Amit Shah At Ajit Pawar Funeral Baramati: उपमुख्यमंत्री अजित पवार यांचा काल बारमतीमध्ये विमान अपघातामध्ये मृत्यू झाला.

अजित पवार खाजगी विमानाने काल (28 जानेवारी) सकाळी मुंबईहून बारामतीकडे रवाना झाले होते. यावेळी बारामती विमानतळावर लँडिंगदरम्यान विमानाचा अपघात झाला. यामध्ये अजित पवारांसह 5 जणांचा मृत्यू झाला. सकाळी 8.45 च्या दरम्यान ही सगळी घटना घडली.

आज अजित पवारांवर बारामतीमधील विद्या प्रतिष्ठानाच्या मैदानात अंत्यसंस्कार सुरु आहेत.

अजित पवारांच्या अंत्यसंस्कारासाठी देशभरातील अनेक दिग्गज बारामतीमध्ये दाखल झाले आहेत.

केंद्रीय गृहमंत्री अमित शाह देखील अजित पवारांच्या पार्थिवाचं दर्शन घेण्यासाठी बारामतीमध्ये दाखल झाले.

अमित शाह पहिले विमानाने पुणे विमानतळावर उतरले. त्यानंतर हेलिकॉप्टरने बारामती विमानतळावर पोहोचले. याच विमानतळाच्या 100 मीटरच्या अंतरावर अजित पवारांच्या विमानाचा काल अपघात झाला होता.

अमित शाह बारामती विमानतळावर दाखल झाल्यानंतर यावेळी महाराष्ट्राचे मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि भाजपचे राष्ट्रीय अध्यक्ष नितीन नवीन देखील उपस्थित होते.

देवेंद्र फडणवीस आणि एकनाथ शिंदेंना भेटत अमित शाह अजित पवारांचं पार्थिव ठेवण्यात आलेल्या विद्या प्रतिष्ठानच्या मैदानात पोहोचले.

बारामती विमानतळावर उतरून अमित शाह कारमधून विद्या प्रतिष्ठान मैदानात पोहोचले.

अजित पवार यांच्या निधनामुळे बारामतीमध्ये सध्या शोकाकुल वातावरण आहे. येथील सर्व बाजारपेठा आणि दैनंदिन व्यवहार बंद ठेवण्यात आले आहेत.