पुणेकरांचा नाद करती काय... नवरा बनला गावचा 'कारभारी'; बायकोने उचलून घेतलं खांद्यावरी

माझा कारभारी लै भारी! खेड तालुक्यातील आंबोली ग्रामपंचायतीच्या सरपंचपदाच्या विजयाचा हटके जल्लोष पहायला मिळाला असून पत्नीने नव्या सरपंच पतीला खांद्यावर उचलून केली कौटुंबिक विजयाचाही जल्लोष केलाय

Amboli grampanchayat sarpanch wife

माझा कारभारी लै भारी!" खेड तालुक्यातील आंबोली ग्रामपंचायतीच्या सरपंचपदाच्या विजयाचा हटके जल्लोष पहायला मिळाला असून पत्नीने नव्या सरपंच पतीला खांद्यावर उचलून केली कौटुंबिक विजयाचाही जल्लोष केलाय

पुणे जिल्ह्याच्या खेड तालुक्यातील आंबोली ग्रामपंचायतीत आज एक अनोखा आणि भावनिक क्षण पाहायला मिळाला. सरपंचपदी कैलासराव शिंदे यांची बिनविरोध निवड होताच, त्यांच्या पत्नी राधिका शिंदे यांनी विजयाचा हटके पद्धतीने जल्लोष साजरा केला.

आपल्या सरपंच पतीला थेट खांद्यावर उचलून घेत गावसमोर त्यांच्या यशाचा डंका पत्नीने वाजवलाय. या घटनेत केवळ एका पत्नीचा अभिमान नव्हता, तर तिचा पतीबद्दलचा विश्वासही झळकला.

पतीच्या नेतृत्वाच्या ताकदीवरचा ठाम भरोसा आणि एक स्त्री म्हणून गावासाठी लढण्याचा अट्टहास यातून जाणवत होता. त्यामुळेच पत्नीचे हे सेलीब्रेशन अख्ख्या गावकऱ्यांना भावले

माझा नवरा फक्त माझा जोडीदार नाही, तर आता गावाचा आधार आहे असं जणू तिच्या कृतीतून दिसून आलं.

आंबोली ग्रामपंचायत निवडणुकीतील हा क्षण केवळ एका बिनविरोध निवडीचा नव्हता, तर एक जोडपं जबाबदारीच्या वाटचालीस एकत्र निघाल्याचा देखील घोष होता

पती-पत्नीच्या या आनंदात अख्खा गाव सहभागी झाला होता, गुलालाची उधळण करत हलग्यांच्या तालावर गावकरी थिरकल्याचंही पाहायला मिळालं