अमित शाह येताच शरद पवार खुर्चीवरुन उठले; गृहमंत्र्यांच्या कृतीने सर्वांच लक्ष वेधले, हात हाती घेत नतमस्तक

अजित दादांच्या निधनाचे वृत्त समजताच देशभरातून दिग्गजांनी शोक व्यक्त केला. पंतप्रधान नरेंद्र मोदींसह अनेक केंद्रीयमंत्री आमदार, खासदारांनी दादांबद्दल लिहिलं.

Amit shah meet sharad pawar baramati ajit pawar funeral

अजित दादांच्या निधनाचे वृत्त समजताच देशभरातून दिग्गजांनी शोक व्यक्त केला. पंतप्रधान नरेंद्र मोदींसह अनेक केंद्रीयमंत्री आमदार, खासदारांनी दादांबद्दल लिहिलं.

सेलिब्रिटी अभिनेते, क्रिकेटर आणि सर्वच क्षेत्रातील मान्यवरांनी अजित दादांच्या व्यक्तीमत्त्वाचे पैलू शब्दात मांडले. मास्टरब्लास्टर सचिन तेंडुलकर, ऑलिंपिक विजेता पीव्ही सिंधूनेही दादांच्या आठवणी लिहिल्या.

कामाचा माणूस, दादा माणूस असे म्हणत अजित पवार यांच्या झपाटलेल्या कार्यपद्धतीचा लेखाजोखाच काल दिवसभर अनेकांनी मांडला. त्यानंतर, आज अजित पवारांच्या पार्थिवावर अंत्यसंस्कार करण्यात आले.

image 4

बारामतीतील विद्या प्रतिष्ठान येथे आज सकाळी 11 वाजताच्या सुमारास अजित पवार यांच्या पार्थिवावर अंत्यसंस्कार करण्यात आले. या अंत्यसंस्कारासाठी राज्यभरातून पदाधिकारी कार्यकर्ते, नेते आणि दिग्गज मंडळी उपस्थिती होती.

केंद्रीय गृहमंत्री अमित शाह आणि भाजपचे अध्यक्ष नितीन नबीन हेही अंत्यसंस्काराला उपस्थित होते. त्यांच्यासह मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि भाजप प्रदेशाध्यक्ष रवींद्र चव्हाण हेही उपस्थित होते.

अमित शाहांचे बारामतीत अंत्यसंस्कारस्थळी आगमन होताच शरद पवारांच्या कृतीने सगळ्यांचे लक्ष वेधले. खासदार सुप्रिया सुळे अमित शाहांना घेण्यासाठी पुढे सरसावल्या होत्या.

सुप्रिया सुळेंच्या पाठीमागे येत असलेल्या अमित शाहांना पाहताच शरद पवार आपल्या खुर्चीवरुन उठले. पण, अमित शाहांनी दुरूच हात दाखवत उठू नका, खालीच बसा, असे म्हटले. मात्र, शरद पवारांनी त्यांच्या पदाचा सन्मान ठेवत ते खुर्चीवर उभे राहिले.

अमित शाहांनी शरद पवारांचा हात हातात घेत त्यांचे सांत्वन केले, अदबीने वाकून नमस्कार केला. तसेच, तिथे उपस्थिता पवार कुटुंबीयांनाही हात जोडून नमस्कार केले. हा क्षण सर्वांसाठीच भावुक होता.

दरम्यान, अंत्यसंस्कारासंदर्भात माहिती घेण्यासाठी गृहमंत्री अमित शाह यांनी राष्ट्रवादीचे खासदार प्रफुल्ल पटेल यांना आधीच फोन केला होता. फोनवरुन अमित शाह यांनी अंत्यसंस्काराबाबत माहिती घेतली होती.