फॉर्च्यूनरचा चेंदामेंदा, पुण्याहून गुजरातला निघालेल्या आंतरराष्ट्रीय नेमबाजपटू संभाजी पाटीलचा अपघाती मृत्यू

राज्यातील रस्ते अपघाताच्या संख्येत गेल्या काही महिन्यांत वाढ झाल्याचं दिसून येत आहे. आता, पालघरमध्ये झालेल्या कार अपघातात आंतरराष्ट्रीय नेमबाजपटूचा मृत्यू झाल्याची दुर्दैवी घटना घडली.

Shooter man Sambhaji patil death car accident

राज्यातील रस्ते अपघाताच्या संख्येत गेल्या काही महिन्यांत वाढ झाल्याचं दिसून येत आहे. आता, पालघरमध्ये झालेल्या कार अपघातात आंतरराष्ट्रीय नेमबाजपटूचा मृत्यू झाल्याची दुर्दैवी घटना घडली.

आंतरराष्ट्रीय नेमबाज पटूचा पालघरमध्ये भीषण कार अपघातात जागीच मृत्यू झाल्याने जिल्ह्यावर आणि क्रीडा वर्तुळात शोककळा पसरली आहे.

संभाजी शिवाजी पाटील या 27 वर्षीय आंतरराष्ट्रीय नेमबाजपट्टूचा पालघरच्या मनोर येथे अपघाती मृत्यू झाला. सकाळी 10 ते 11 च्या सुमारास ही दुर्घटना घडल्याची माहिती आहे.

पुण्याहून गुजरातकडे जात असताना मुंबई अहमदाबाद राष्ट्रीय महामार्गावर मनोरजवळ भरधाव फॉर्च्युनर कार अवजड वाहनाला पाठीमागून धडकली.

अपघातात नेमबाजपटूटा जागीच मृत्यू झाला असून त्याचा सहकारी यश प्रशांत चौधरी गंभीर जखमी झाला आहे. घटनेची माहिती मिळताच स्थानिकांनी व पोलिसानी घटनास्थळी धाव घेत पंचनामा केला.

दरम्यान, जोरदार झालेल्या अपघातात फॉर्च्यूनरचा चक्काचूर झाल्याचं दिसून येत आहे. अपघातातील जखमी प्रशांत चौधरी यांना जवळील रुग्णालयात उपचारासाठी दाखल करण्यात आलं आहे.

संभाजी पाटील हे मूळ छत्रपती संभाजीनगरचे होते, त्यामुळे शवविच्छेदनानंतर त्यांचा मृतदेह संभाजीनगर येथील त्यांच्या मूळगावी नेण्यात येणार असल्याची माहिती पोलिसांनी दिली.