तारपा वाजवत आनंदी आनंद.. पद्मश्री जाहीर होताच संगीतकार भिकल्या धिंडा म्हणाले, मोबाईलच्या युगात संस्कृती जपतोय

केंद्र सरकारकडून यंदाच्या 2026 मधील पद्म पुरस्कारांची घोषणा करण्यात आली असून महाराष्ट्रातील 4 मान्यवरांना पुरस्काराने गौरविण्यात येणार आहे.

Bhiklya ladkya dhinda padma award warli music

केंद्र सरकारकडून यंदाच्या 2026 मधील पद्म पुरस्कारांची घोषणा करण्यात आली असून महाराष्ट्रातील 4 मान्यवरांना पुरस्काराने गौरविण्यात येणार आहे.

महाराष्ट्रातील शेती, वैद्यकीय, लोकनाट्य तमाशा आणि वारली संगीत क्षेत्रातील 4 जणांना यंदा पद्म पुरस्कार जाहीर झाला असून पालघरमधील वारली संगीतकार भिकल्या लाडक्या धिंडा यांचाही सन्मान करण्यात आला आहे.

पालघर जिल्ह्यातील जव्हारसारख्या अतिदुर्गम तालुक्यातील वाळवंडा येथील वारली संगीतकार तारपा वादक भिकल्या धिंडा यांनी पद्म पुरस्कार जाहीर झाल्यानंतर तारपा वाजवत आनंद व्यक्त केला.

भिकल्या यांनी एबीपी माझाशी बोलताना सांगितलं की, माझे आजोबा पिंजोबा यांच्याकडून ही कला मला देण आहे, मी लहान असताना गुरंढोरं चालायला जायचो, तेथेच मला तारपा बनवायचा नाद लागला.

गुरंढोरांसोबतच मला तारपा वाजवण्याचा छंद लागला तो छंद आदिवासींची संस्कृती जोपासण्यासाठी मी आजही जपतो. नुसता जपत नाही तर मी अनेक तरुणांनाही तारपा वाद्य वाजवायला शिकवलं आहे.

आजच्या मोबाईलच्या युगात तरुण जास्त संस्कृतीकडे लक्ष देत नाहीत. मात्र, मी तो प्रयत्न करतोय. तसेच, त्यांनी अनेक प्रकारची तारपा वाद्यही स्वतः बनवले आहेत.

केंद्र सरकारने पद्मश्री पुरस्कार जाहीर केल्यानंतर तारपा वादक भिकल्या आणि त्यांच्या पत्नीला मोठा आनंद झाल्याचं पाहायला मिळालं, त्यांच्या गरीबाच्या झोपडीतच त्यांनी हा आनंदी आनंद साजरा केला.