गंगापूर धरणातून विसर्ग, सोमेश्वर धबधब्याचे रौद्ररूप; पर्यटकांना प्रशासनाकडून सूचना

राज्यात यंदा मे महिन्याच्या शेवटच्या आठवड्यातच मुसळधार पाऊस पडल्याने सर्वत्र पाणीच पाणी पाहायला मिळत आहे. त्यात, गेल्या आठवडाभरातही पाऊस चांगला झाला आहे.

Someshwar waterfall nashik

राज्यात यंदा मे महिन्याच्या शेवटच्या आठवड्यातच मुसळधार पाऊस पडल्याने सर्वत्र पाणीच पाणी पाहायला मिळत आहे. त्यात, गेल्या आठवडाभरातही पाऊस चांगला झाला आहे.

मुसळधार पावसामुळे धरणातील पाण्याची पातळी वाढली असून नद्या, तलाव आणि काही धरणं देखील पूर्ण भरुन वाहत आहेत. अनेक पर्यटनस्थळी धबधबेही वाहत आहेत.

गंगापूर धरणाच्या पाणलोट क्षेत्रामध्ये संततधार पाऊस सुरू असल्याने गंगापूर धरणातून पाण्याचा विसर्ग वाढविण्यात आला आहे. 6000 क्युसेक इतका विसर्ग गंगापूर धरणातून केल्याने गोदावरी नदीला पूर सदृश्य परिस्थिती निर्माण झाली आहे.

धरणातून झालेल्या विसर्गामुळे सोमेश्वर धबधब्याने रौद्ररूप धारण केल्याचं पाहायला मिळत आहे, अतिशय आकर्षक असलेल्या सोमेश्वर धबधब्याने रौद्ररूप धारण केल्याने पर्यटकांची मोठी गर्दी होत आहे.

धबधब्याचा प्रवाह पाहता प्रशासनाकडून वेळोवेळी त्यांना सूचना देण्यात आले आहे, कुठलाही अनुचित प्रकार घडू नये यासाठी सुरक्षा रक्षक पर्यटकांना खबरदारी घेण्याचे आवाहन करत आहेत

धरणातून विसर्ग वाढविण्यात आल्याने नदीकाठच्या गावांना सतर्कतेचा इशाराही प्रशासनाने दिलेला आहे, तर धबधबा पाहण्यासाठी पर्यटकांची गर्दी होत आहे.

सोमेश्वर धबधबा पाहण्यासाठी राज्यभरातून पर्यटक येतात, तर मुंबई, पुण्यासह नाशिक जिल्ह्यातील पर्यटकांची मोठी गर्दी असते